ภวนฺติ สูรา วีรงฺครูปา ปรเสนปฺปมทฺทนา ราชา สมาโน อิทํ ลภติ ฯเปฯ พุทฺโธ สมาโน กึ ลภติ ปหูตปุตฺโต อโหสิ อเนกสหสฺสํ โข ปนสฺส ปุตฺตา ภวนฺติ สูรา วีรงฺครูปา ปรเสนปฺปมทฺทนา พุทฺโธ สมาโน อิทํ ลภติ ฯ เอตมตฺถํ ภควา อโวจ ฯ ตตฺเถตํ วุจฺจติ

[๑๕๑] ปุเร ปุรตฺถา ปุริมาสุ ชาติสุ

จิรปฺปนฏฺเฐ สุจิรปฺปวาสิโน

ญาตีสุหชฺเช สขิโน สมานยิ

สมคฺคิ กตฺวา จ ๑ อนุโมทิตา อหุ ฯ

โส เตน กมฺเมน ติทิวํ อปกฺกมิ ๒

สุขญฺจ ขิฑฺฑา รติโย จ อนฺนุภิ ๓

ตโต จวิตฺวา ปุนราคโต อิธ

โกโสหิตํ วินฺทติ วตฺถฉาทิยํ ฯ

ปหูตปุตฺโต ภวติ ๔ ตถาวิโธ

ปโรสหสฺสญฺจ ๕ ภวนฺติ อตฺรชา ๖

สูรา จ วีรา จ อมิตฺตตาปนา

คิหิสฺส ปีตีชนนา ๗ ปิยํ วทา ฯ

ปหุตรา ๘ปพฺพชิตสฺส อิริยโต

ปุตฺตา ภวนฺติ วจนานุสาริโน ๙

คิหิสฺส วา ปพฺพชิตสฺส วา ปน ๑๐

ตํ ลกฺขณํ ภวติ ๑๑ ตทตฺถโชตกนฺติ ฯ

#๑ ม. จสทฺโท น ทิสฺสติ ฯ ๒ ม. ยุ. ทิวํ สมกฺกมิ ฯ ๓ ม. อนฺวภิ ฯ ยุ. อานุภิ ฯ #๔ ม. ภวตี ฯ ๕ ยุ. ปโร สหสฺสสฺส ฯ ๖ ยุ. อตุชา ฯ ๗ ม. ปีติ ชนนา ฯ #๘ ม. ยุ. พหุตรา ฯ ๙ ยุ. วจนานุจาริโน ฯ ๑๐ ม. ยุ. ปุน ฯ ๑๑ ม. ชายติ ฯ