สหชาตวาโรปิ ปจฺจยวาโรปิ นิสฺสยวาโรปิ สํสฏฺฐวาโรปิ สมฺปยุตฺตวาโรปิ เอวํ วิตฺถาเรตพฺพา ฯ ปจฺจยวาเร วตฺถุ จ ปญฺจายตนานิ จ ทสฺเสตพฺพานิ ฯ ยถา ยถา ลพฺภติ ตํ ตํ กาตพฺพํ ฯ

ปญฺหาวาโร

[๓๒๖] เกนจิวิญฺเญยฺโย ธมฺโม เกนจิวิญฺเญยฺยสฺส ธมฺมสฺส เหตุปจฺจเยน ปจฺจโย: เกนจิวิญฺเญยฺยา เหตู สมฺปยุตฺตกานํ ขนฺธานํ จิตฺตสมุฏฺฐานานญฺจ รูปานํ เหตุปจฺจเยน ปจฺจโย ปฏิสนฺธิ ฯ

สงฺขิตฺตํ ฯ

[๓๒๗] เหตุยา นว อารมฺมเณ นว ฯ สงฺขิตฺตํ ฯ อวิคเต นว ฯ

อนุโลมํ นิฏฺฐิตํ ฯ

[๓๒๘] นเหตุยา นว โนวิคเต นว ฯ

ปจฺจนียํ นิฏฺฐิตํ ฯ

เอวํ จตฺตาริปิ คณนา ปริปุณฺณา ฯ

เกนจิวิญฺเญยฺยทุกํ นิฏฺฐิตํ ฯ

__________________

อาสวทุกํ

ปฏิจฺจวาโร

[๓๒๙] อาสวํ ธมฺมํ ปฏิจฺจ อาสโว ธมฺโม อุปฺปชฺชติ เหตุปจฺจยา: กามาสวํ ปฏิจฺจ ทิฏฺฐาสโว อวิชฺชาสโว ทิฏฺฐาสวํ