[๒๖๐] สงฺฆสฺส กิจฺเจสุ จ มนฺตนาสุ จ

อตฺเถสุ ชาเตสุ วินิจฺฉเยสุ จ

กถมฺปกาโรธ นโร มหตฺถิโก

ภิกฺขุ กถํ โหติธ ปคฺคหารโหติ ฯ

อนานุวชฺโช ปฐเมน สีลโต

อเวกฺขิตาจารสุสํวุตินฺทฺริโย

ปจฺจตฺถิกา โนปวทนฺติ ธมฺมโต

น หิสฺส ตํ โหติ วเทยฺยุ เยน นํ ๑ ฯ

โส ตาทิโส สีลวิสุทฺธิยา ฐิโต

วิสารโท โหติ วิสยฺห ภาสติ

นจฺฉมฺภติ ปริสคโต น เวธติ๙

อตฺถํ น หาเปติ อนุยฺยุตํ ภณํ

ตเถว ปญฺหํ ปริสาสุ ปุจฺฉิโต

น จาปิ ๒ ปชฺฌายติ น มงฺกุ โหติ ฯ

โส กาลาคตํ พฺยากรณารหํ วโจ

รญฺเชติ วิญฺญูปริสํ วิจกฺขโณ

สคารโว วุฑฺฒตเรสุ ภิกฺขุสุ

อาเจรกมฺหิ ๓ จ สเก วิสารโท

อลํ ปเมตุํ ปคุโณ กเถตเว

ปจฺจตฺถิกานญฺจ วิรทฺธิโกวิโท ๔

#๑ โป. ตํ ฯ ๒ ม. ยุ. เจว ฯ ๓ โป. อาจารกมฺหิ ฯ ๔ โป. วิสณฺธิโกวิโท ฯ