อนฺธกาโร ปาตุรโหสิ ฯ ภยํ ฉมฺภิตตฺตํ โลมหํโส อุทปาทิ ฯ ตโต ว นิวตฺติตุกาโม อโหสิ ฯ
[๒๔๖] อถโข สีวโก ยกฺโข อนฺตรหิโต สทฺทมนุสฺสาเวสิ
สตํ หตฺถี สตํ อสฺสา สตํ อสฺสตรีรถา
สตํ กญฺญา สหสฺสานิ อามุตฺตมณิกุณฺฑลา ๑
เอกสฺส ปทวีติหารสฺส กลํ นาคฺฆนฺติ โสฬสึ ๒ ฯ อภิกฺกม คหปติ อภิกฺกม คหปติ อภิกฺกนฺตนฺเต เสยฺโย โน ปฏิกฺกนฺตนฺติ ฯ
[๒๔๗] อถโข อนาถปิณฺฑิกสฺส คหปติสฺส อนฺธกาโร อนฺตรธายิ ฯ อาโลโก ปาตุรโหสิ ฯ ยํ อโหสิ ภยํ ฉมฺภิตตฺตํ โลมหํโส โส ปฏิปฺปสฺสมฺภิ ฯ ทุติยมฺปิ โข ฯเปฯ ตติยมฺปิ โข อนาถปิณฺฑิกสฺส คหปติสฺส อาโลโก อนฺตรธายิ ฯ อนฺธกาโร ปาตุรโหสิ ฯ ภยํ ฉมฺภิตตฺตํ โลมหํโส อุทปาทิ ฯ ตโต ว ปุน นิวตฺติตุกาโม อโหสิ ฯ ตติยมฺปิ โข สีวโก ยกฺโข อนฺตรหิโต สทฺทมนุสฺสาเวสิ
สตํ หตฺถี สตํ อสฺสา สตํ อสฺสตรีรถา
สตํ กญฺญา สหสฺสานิ อามุตฺตมณิกุณฺฑลา ๑
เอกสฺส ปทวีติหารสฺส กลํ นาคฺฆนฺติ โสฬสึ ๒ ฯ อภิกฺกม คหปติ อภิกฺกม คหปติ อภิกฺกนฺตนฺเต เสยฺโย โน ปฏิกฺกนฺตนฺติ ฯ ตติยมฺปิ โข อนาถปิณฺฑิกสฺส คหปติสฺส อนฺธกาโร #๑ ม. อามุกฺกมณิกุณฺฑลา ฯ ๒ ม. โสฬสินฺติ ฯ