โหนฺติ ปฏิสนฺธิกฺขเณ อิเม ฉพฺพีสติ ธมฺมา สหชาตปจฺจยา โหนฺติ อญฺญมญฺญปจฺจยา โหนฺติ นิสฺสยปจฺจยา โหนฺติ วิปฺปยุตฺตปจฺจยา โหนฺติ คติสมฺปตฺติยา ญาณวิปฺปยุตฺเต อิเมสํ ฉนฺนํ เหตูนํ ปจฺจยา อุปปตฺติ โหติ ขตฺติยมหาสาลานํ พฺราหฺมณมหาสาลานํ คหปติมหาสาลานํ กามาวจรานํ เทวานํ ญาณวิปฺปยุตฺเต กตเมสํ ฉนฺนํ เหตูนํ ปจฺจยา อุปปตฺติ โหติ ฯ กุสลกมฺมสฺส ชวนกฺขเณ เทฺว เหตู กุสลา ตสฺมึ ขเณ ชาตเจตนาย สหชาตปจฺจยา โหนฺติ เตน วุจฺจติ กุสลมูลปจฺจยาปิ สงฺขารา ฯเปฯ ขตฺติยมหาสาลานํ พฺราหฺมณมหาสาลานํ คหปติมหาสาลานํ กามาวจรานํ เทวานํ ญาณวิปฺปยุตฺเต อิเมสํ ฉนฺนํ เหตูนํ ปจฺจยา อุปปตฺติ โหตีติ ฯ

คติกถา สมตฺตา ๑ ฯ

___________

มหาวคฺเค กมฺมกถา

[๕๒๓] อโหสิ กมฺมํ อโหสิ กมฺมวิปาโก อโหสิ กมฺมํ นาโหสิ กมฺมวิปาโก อโหสิ กมฺมํ อตฺถิ กมฺมวิปาโก อโหสิ กมฺมํ นตฺถิ กมฺมวิปาโก อโหสิ กมฺมํ ภวิสฺสติ กมฺมวิปาโก อโหสิ กมฺมํ น ภวิสฺสติ กมฺมวิปาโก อตฺถิ กมฺมํ อตฺถิ กมฺมวิปาโก อตฺถิ กมฺมํ นตฺถิ กมฺมวิปาโก อตฺถิ กมฺมํ ภวิสฺสติ #๑ ม. นิฏฺฐิตา ฯ