อวิคเต นว ฯ

สญฺโญชนทุกํ นิฏฺฐิตํ ฯ

_________________

สญฺโญชนิยทุกํF

ปฏิจฺจวาโร

[๔๔๔] สญฺโญชนิยํ ธมฺมํ ปฏิจฺจ สญฺโญชนิโย ธมฺโม อุปฺปชฺชติ เหตุปจฺจยา: สญฺโญชนิยํ เอกํ ขนฺธํ ปฏิจฺจ ตโย ขนฺธา จิตฺตสมุฏฺฐานญฺจ รูปํ เทฺว ขนฺเธ ... ปฏิสนฺธิกฺขเณ ขนฺเธ ปฏิจฺจ วตฺถุ วตฺถุํ ปฏิจฺจ ขนฺธา เอกํ มหาภูตํ ... ฯ จูฬนฺตรทุเก โลกิยทุกสทิสํ นินฺนานากรณํ ฯ

สญฺโญชนิยทุกํ นิฏฺฐิตํ ฯ

_______________________

สญฺโญชนสมฺปยุตฺตทุกํ

ปฏิจฺจวาโร

[๔๔๕] สญฺโญชนสมฺปยุตฺตํ ธมฺมํ ปฏิจฺจ สญฺโญชนสมฺปยุตฺโต ธมฺโม อุปฺปชฺชติ เหตุปจฺจยา: สญฺโญชนสมฺปยุตฺตํ เอกํ ขนฺธํ ปฏิจฺจ ตโย ขนฺธา เทฺว ขนฺเธ ... ฯ สญฺโญชนสมฺปยุตฺตํ ธมฺมํ ปฏิจฺจ สญฺโญชนวิปฺปยุตฺโต ธมฺโม อุปฺปชฺชติ เหตุปจฺจยา: สญฺโญชนสมฺปยุตฺเต ขนฺเธ ปฏิจฺจ จิตฺตสมุฏฺฐานํ รูปํ ฯ สญฺโญชนสมฺปยุตฺตํ ธมฺมํ ปฏิจฺจ สญฺโญชนสมฺปยุตฺโต จ สญฺโญชนวิปฺปยุตฺโต