อุปฏฺฐานผลมฺปสฺสํ ๑ โลกนาถสฺส ตาทิโน

สฏฺฐิตุริยสหสฺสานิ ปริวาเรนฺติ มํ สทา

เอกนวุเต อิโต กปฺเป อุปฏฺฐหึ มหาอิสึ

ทุคฺคตึ นาภิชานามิ อุปฏฺฐานสฺสิทํ ผลํ ฯ

จตุนวุเต ๒ อิโต กปฺเป มหานิคฺโฆสนามกา

โสฬสาสึสุ ราชาโน จกฺกวตฺตี มหพฺพลา ฯ

ปฏิสมฺภิทา จตสฺโส วิโมกฺขาปิจ อฏฺฐิเม

ฉฬภิญฺญา สจฺฉิกตา กตํ พุทฺธสฺส สาสนนฺติ ฯ

อิตฺถํ สุทํ อายสฺมา พุทฺธุปฏฺฐาโก เถโร อิมา คาถาโย อภาสิตฺถาติ ฯ

พุทฺธุปฏฺฐากตฺเถรสฺส อปทานํ สมตฺตํ ฯ

อุทฺทานํ

สุธา ปีฐญฺจ เจลญฺจ กมฺมาโร คนฺธมาลิโย

ติปุปฺผิโย มธุ เสนา เวยฺยาวจฺโจ ว ธมฺมโก

สมสฏฺฐิญฺจ คาถาโย อสฺมึ วคฺเค ปกิตฺติตา ฯ

สุธาวคฺโค ทสโม ฯ

อถ วคฺคุทฺทานํ

พุทฺธวคฺโค หิ ปฐโม สีหาสนิ สุภูติ จ

กุณฺฑธาโน อุปาลิ จ วีชนี สกจิตฺตนี #๑ ม. ยุ. อุปฏฺฐานผลมฺปสฺส ฯ ๒ ม. จตุวีเส ฯ