[๑๑๕] น วิญฺญาณํ น ขนฺโธติ: วิญฺญาณํ ฐเปตฺวา อวเสสา ขนฺธา น วิญฺญาณํ ขนฺธา วิญฺญาณญฺจ ขนฺเธ จ ฐเปตฺวา อวเสสา น เจว วิญฺญาณํ น จ ขนฺธา ฯ น ขนฺธา น สญฺญากฺขนฺโธติ: อามนฺตา ฯ

[๑๑๖] น วิญฺญาณํ น ขนฺโธติ: วิญฺญาณํ ฐเปตฺวา อวเสสา ขนฺธา น วิญฺญาณํ ขนฺธา วิญฺญาณญฺจ ขนฺเธ จ ฐเปตฺวา อวเสสา น เจว วิญฺญาณํ น จ ขนฺธา ฯ น ขนฺธา น สงฺขารกฺขนฺโธติ: อามนฺตา ฯ

ปณฺณตฺติวาโร ฯ

___________

ปวตฺติวาโร

[๑๑๗] ยสฺส รูปกฺขนฺโธ อุปฺปชฺชติ ตสฺส เวทนากฺขนฺโธ อุปฺปชฺชตีติ: อสญฺญสตฺตํ อุปฺปชฺชนฺตานํ เตสํ รูปกฺขนฺโธ อุปฺปชฺชติ โน จ เตสํ เวทนากฺขนฺโธ อุปฺปชฺชติ ปญฺจโวการํ อุปปชฺชนฺตานํ เตสํ รูปกฺขนฺโธ จ อุปฺปชฺชติ เวทนากฺขนฺโธ จ อุปฺปชฺชติ ฯ ยสฺส วา ปน เวทนากฺขนฺโธ อุปฺปชฺชติ ตสฺส รูปกฺขนฺโธ อุปฺปชฺชตีติ: อรูปํ อุปปชฺชนฺตานํ เตสํ เวทนากฺขนฺโธ อุปฺปชฺชติ โน จ เตสํ รูปกฺขนฺโธ อุปฺปชฺชติ ปญฺจโวการํ อุปปชฺชนฺตานํ เตสํ เวทนากฺขนฺโธ จ อุปฺปชฺชติ รูปกฺขนฺโธ จ อุปฺปชฺชติ ฯ

[๑๑๘] ยตฺถ รูปกฺขนฺโธ อุปฺปชฺชติ ตตฺถ เวทนากฺขนฺโธ