สานุสโย โน จ โส ตโต กามราคานุสเยน จ ปฏิฆานุสเยน จ มานานุสเยน จ สานุสโย โสว ปุคฺคโล กามธาตุยา ทฺวีสุ เวทนาสุ รูปธาตุยา อรูปธาตุยา โส ตโต อวิชฺชานุสเยน จ มานานุสเยน จ สานุสโย โน จ โส ตโต กามราคานุสเยน จ ปฏิฆานุสเยน จ สานุสโย ตโย ปุคฺคลา รูปธาตุยา อรูปธาตุยา เต ตโต อวิชฺชานุสเยน จ มานานุสเยน จ สานุสยา โน จ เต ตโต กามราคานุสเยน จ ปฏิฆานุสเยน จ สานุสยา เตว ปุคฺคลา กามธาตุยา ทฺวีสุ เวทนาสุ เต ตโต อวิชฺชานุสเยน จ กามราคานุสเยน จ มานานุสเยน จ สานุสยา โน จ เต ตโต ปฏิฆานุสเยน สานุสยา เตว ปุคฺคลา ทุกฺขาย เวทนาย เต ตโต อวิชฺชานุสเยน จ ปฏิฆานุสเยน จ สานุสยา โน จ เต ตโต กามราคานุสเยน จ มานานุสเยน จ สานุสยา ฯ

[๑๓๑๘] โย ยโต กามราคานุสเยน จ ปฏิฆานุสเยน จ มานานุสเยน จ ทิฏฺฐานุสเยน จ สานุสโย โส ตโต วิจิกิจฺฉานุสเยน สานุสโยติ: นตฺถิ ฯ โย วา ปน ยโต วิจิกิจฺฉานุสเยน สานุสโย โส ตโต กามราคานุสเยน จ ปฏิฆานุสเยน จ มานานุสเยน จ ทิฏฺฐานุสเยน จ สานุสโยติ: ปุถุชฺชโน รูปธาตุยา อรูปธาตุยา โส ตโต วิจิกิจฺฉานุสเยน จ มานานุสเยน จ ทิฏฺฐานุสเยน จ สานุสโย โน จ โส ตโต กามราคานุสเยน จ ปฏิฆานุสเยน จ สานุสโย โสว ปุคฺคโล กามธาตุยา ทฺวีสุ เวทนาสุ โส ตโต วิจิกิจฺฉานุสเยน