เวทนาย ตสฺส ตตฺถ มานานุสโย นานุเสติ โน จ ตสฺส ตตฺถ วิจิกิจฺฉานุสโย นานุเสติ ตสฺเสว ปุคฺคลสฺส อปริยาปนฺเน ตสฺส ตตฺถ มานานุสโย จ นานุเสติ วิจิกิจฺฉานุสโย จ นานุเสติ อรหโต สพฺพตฺถ มานานุสโย จ นานุเสติ วิจิกิจฺฉานุสโย จ นานุเสติ ฯ ยสฺส วา ปน ยตฺถ วิจิกิจฺฉานุสโย นานุเสติ ตสฺส ตตฺถ มานานุสโย นานุเสตีติ: ติณฺณํ ปุคฺคลานํ กามธาตุยา ทฺวีสุ เวทนาสุ รูปธาตุยา อรูปธาตุยา เตสํ ตตฺถ วิจิกิจฺฉานุสโย นานุเสติ โน จ เตสํ ตตฺถ มานานุสโย นานุเสติ เตสํเยว ปุคฺคลานํ ทุกฺขาย เวทนาย อปริยาปนฺเน เตสํ ตตฺถ วิจิกิจฺฉานุสโย จ นานุเสติ มานานุสโย จ นานุเสติ อรหโต สพฺพตฺถ วิจิกิจฺฉานุสโย จ นานุเสติ มานานุสโย จ นานุเสติ ฯ ยสฺส ยตฺถ มานานุสโย นานุเสติ ตสฺส ตตฺถ ภวราคานุสโย นานุเสตีติ: อามนฺตา ฯ ยสฺส วา ปน ยตฺถ ภวราคานุสโย นานุเสติ ตสฺส ตตฺถ มานานุสโย นานุเสตีติ: จตุนฺนํ ปุคฺคลานํ กามธาตุยา ทฺวีสุ เวทนาสุ เตสํ ตตฺถ ภวราคานุสโย นานุเสติ โน จ เตสํ ตตฺถ มานานุสโย นานุเสติ เตสํเยว ปุคฺคลานํ ทุกฺขาย เวทนาย อปริยาปนฺเน เตสํ ตตฺถ ภวราคานุสโย จ นานุเสติ มานานุสโย จ นานุเสติ อรหโต สพฺพตฺถ ภวราคานุสโย จ นานุเสติ มานานุสโย จ นานุเสติ ฯ ยสฺส ยตฺถ มานานุสโย นานุเสติ ตสฺส ตตฺถ อวิชฺชานุสโย นานุเสตีติ: จตุนฺนํ ปุคฺคลานํ ทุกฺขาย เวทนาย เตสํ ตตฺถ มานานุสโย