วิจิกิจฺฉานุสยํ น ปริชานาติ โน จ โส ตโต อวิชฺชานุสยํ น ปริชานาติ โสว ปุคฺคโล อปริยาปนฺเน โส ตโต วิจิกิจฺฉานุสยญฺจ น ปริชานาติ อวิชฺชานุสยญฺจ น ปริชานาติ ฯ อคฺคมคฺคสมงฺคิญฺจ อฏฺฐมกญฺจ ฐเปตฺวา อวเสสา ปุคฺคลา สพฺพตฺถ วิจิกิจฺฉานุสยญฺจ น ปริชานนฺติ อวิชฺชานุสยญฺจ น ปริชานนฺติ ฯ โย วา ปน ยโต อวิชฺชานุสยํ น ปริชานาติ โส ตโต วิจิกิจฺฉานุสยํ น ปริชานาตีติ: อฏฺฐมโก กามธาตุยา ตีสุ เวทนาสุ รูปธาตุยา อรูปธาตุยา โส ตโต อวิชฺชานุสยํ น ปริชานาติ โน จ โส ตโต วิจิกิจฺฉานุสยํ น ปริชานาติ โสว ปุคฺคโล อปริยาปนฺเน โส ตโต อวิชฺชานุสยญฺจ น ปริชานาติ วิจิกิจฺฉานุสยญฺจ น ปริชานาติ อคฺคมคฺคสมงฺคิญฺจ อฏฺฐมกญฺจ ฐเปตฺวา อวเสสา ปุคฺคลา สพฺพตฺถ อวิชฺชานุสยญฺจ น ปริชานนฺติ วิจิกิจฺฉานุสยญฺจ น ปริชานนฺติ ฯ

[๑๔๘๐] โย ยโต ภวราคานุสยํ น ปริชานาติ โส ตโต อวิชฺชานุสยํ น ปริชานาตีติ: อคฺคมคฺคสมงฺคี กามธาตุยา ตีสุ เวทนาสุ โส ตโต ภวราคานุสยํ น ปริชานาติ โน จ โส ตโต อวิชฺชานุสยํ น ปริชานาติ โสว ปุคฺคโล อปริยาปนฺเน โส ตโต ภวราคานุสยญฺจ น ปริชานาติ อวิชฺชานุสยญฺจ น ปริชานาติ อคฺคมคฺคสมงฺคึ ฐเปตฺวา อวเสสา ปุคฺคลา สพฺพตฺถ ภวราคานุสยญฺจ น ปริชานนฺติ อวิชฺชานุสยญฺจ น ปริชานนฺติ ฯ โย วา ปน ยโต อวิชฺชานุสยํ น ปริชานาติ โส ตโต ภวราคานุสยํ น ปริชานาตีติ: