รูปธาตุยา อรูปธาตุยา โส ตโต วิจิกิจฺฉานุสยํ ปริชานาติ โน จ โส ตโต ปฏิฆานุสยํ ปริชานาติ โสว ปุคฺคโล ทุกฺขาย เวทนาย โส ตโต วิจิกิจฺฉานุสยํ ปริชานาติ ปฏิฆานุสยํ ตเทกฏฺฐํ ปริชานาติ ฯ โย ยโต ปฏิฆานุสยํ ปริชานาติ โส ตโต ภวราคานุสยํ ปริชานาตีติ: โน ฯ โย วา ปน ยโต ภวราคานุสยํ ปริชานาติ โส ตโต ปฏิฆานุสยํ ปริชานาตีติ: โน ฯ โย ยโต ปฏิฆานุสยํ ปริชานาติ โส ตโต อวิชฺชานุสยํ ปริชานาตีติ: ตเทกฏฺฐํ ปริชานาติ ฯ โย วา ปน ยโต อวิชฺชานุสยํ ปริชานาติ โส ตโต ปฏิฆานุสยํ ปริชานาตีติ: โน ฯ

[๑๔๔๔] โย ยโต มานานุสยํ ปริชานาติ โส ตโต ทิฏฺฐานุสยํ ฯเปฯ วิจิกิจฺฉานุสยํ ปริชานาตีติ: โน ฯ โย วา ปน ยโต วิจิกิจฺฉานุสยํ ปริชานาติ โส ตโต มานานุสยํ ปริชานาตีติ: อฏฺฐมโก ทุกฺขาย เวทนาย โส ตโต วิจิกิจฺฉานุสยํ ปริชานาติ โน จ โส ตโต มานานุสยํ ปริชานาติ โสว ปุคฺคโล กามธาตุยา ทฺวีสุ เวทนาสุ รูปธาตุยา อรูปธาตุยา โส ตโต วิจิกิจฺฉานุสยํ ปริชานาติ มานานุสยํ ตเทกฏฺฐํ ปริชานาติ ฯ โย ยโต มานานุสยํ ปริชานาติ โส ตโต ภวราคานุสยํ ปริชานาตีติ: อคฺคมคฺคสมงฺคี กามธาตุยา ทฺวีสุ เวทนาสุ โส ตโต มานานุสยํ ปริชานาติ โน จ โส ตโต ภวราคานุสยํ ปริชานาติ โสว ปุคฺคโล รูปธาตุยา อรูปธาตุยา โส ตโต มานานุสยญฺจ ปริชานาติ ภวราคานุสยญฺจ ปริชานาติ ฯ