อสาทยึ อจฺฉํ สุโฆรรูปํ

โส มํ ปติตฺวา สหสชฺฌปฺปตฺโต

ปนุชฺช มํ อพฺพุหิ อุตฺตมงฺคํ ฯ

สฺวายํ วโณ ขชฺชติ กณฺฑุวายติ

สพฺพญฺจ กาลํ น ลภามิ สาตํ

ปโห ภวํ กณฺฑุมิมํ วิเนตตU

กุรุตํ ภวํ ยาจิโต พฺราหฺมณตฺถํ ฯ

[๑๑] คมฺภีรรูโป เต วโณ สโลหิโต

อปูติโก ปนฺนคนฺโธ ๑ มหา จ

กโรมิ เต กิญฺจิ กสายโยคํ

ยถา ภวํ ปรมสุขี ภเวยฺย ฯ

[๑๒] น มนฺตโยคา น กสายโยคา

น โอสธา พฺรหฺมจาริ กมนฺติ

ฆฏฺเฏ มุทุเกน องฺเคน ๒ วิเนหิ กณฺฑฑ ๓

ยถา อหํ ปรมสุขี ภเวยฺยํ ฯ

[๑๓] อิโต นุ โภโต กตเมน อสฺสโม

กจฺจิ ภวํ อภิรมสิ อรญฺเญ

กจฺจิ นุ เต มูลผลํ ปหูตํ

กจฺจิ ภวนฺตํ น วิหึสนฺติ วาฬา ฯ

#๑ สี. ปกฺกคนฺโธ ฯ ม. วณคนฺโธ ฯ ๒ สี. ยํ เต มุทุ เตน ฯ ๓ ยุ. กณฺฑูกํ ฯ