[๙๙๓] สมุทฺธโต ตฺยสฺมิ อหํ ปปาตา

หทเยน เม ยทิ เต อตฺถิ กิจฺจํ

เยเกจิ เม สาธุ นรสฺส ธมฺมา

สพฺเพว เต ปาตุกโรมิ อชฺช ฯ

[๙๙๔] ยาตานุยายี จ ภวาหิ มาณว

อลฺลญฺจ ปาณึ ปริวชฺชยสฺสุ

มา จสฺสุ มิตฺเตสุ กทาจิ ทุพฺภี

มา จ วสํ อสตีนํ นิคจฺเฉ ฯ

[๙๙๕] กถํ นุ ยาตํ อนุยายี โหติ

อลฺลญฺจ ปาณึ ทหเต กถํ โส

อสตี จ กา โก ปน มิตฺตทุพฺโภ

อกฺขาหิ เม ปุจฺฉิโต เอตมตฺถํ ฯ

[๙๙๖] อสฺสตฺถตํ ๑ โนปิจ ทิฏฺฐปุพฺพํ

โย อาสเนนาปิ นิมนฺตเยยฺย

ตสฺเสว อตฺถํ ปุริโส กเรยฺย

ยาตานุยายีติ ตมาหุ ปณฺฑิตา ฯ

ยสฺเสกรตฺติมฺปิ ฆเร วเสยฺย

ยตฺถนฺนปานํ ปุริโส ลเภถ ๒

น ตสฺส ปาปํ มนสาปิ จินฺตเย

#๑ อสนฺถุตนฺติปิ ปาโฐ ฯ ๒ ม. ลเภยฺย ฯ