สุทฺโท น มุญฺเจ ปรเปสนาย ๑ ฯ

ยสฺมา จ เอตํ วจนํ อภูตํ

มุสาวิเม โอทริยา ภณนฺติ

ตทปฺปปญฺญา อภิสทฺทหนฺติ

ปสฺสนฺติ ตํ ปณฺฑิตา อตฺตนาว ฯ

ขตฺยา หิ เวสฺสานํ ๒ พลึ หรนฺติ

อาทาย สตฺถานิ จรนฺติ พฺราหฺมณา

ตํ ตาทิสํ สงฺขุภิตํ ปภินฺนํ

กสฺมา พฺรหฺมา น อุชุํ กโรติ โลกํ ฯ

สเจ หิ โส อิสฺสโร สพฺพโลเก

พฺรหฺมาปหู ภูตปตี ๓ ปชานํ

กึ สพฺพโลกํ วิทหิ อลกฺขึ

กึ สพฺพโลกํ น สุขึ อกาสิ ฯ

สเจ หิ โส อิสฺสโร สพฺพโลเก

พฺรหฺมาปหู ภูตปตี ปชานํ

มายา มุสาวชฺชมเทน จาปิ

โลกํ อธมฺเมน กิมตฺถการิ ๔ ฯ

สเจ หิ โส อิสฺสโร สพฺพโลเก

พฺรหฺมาปหู ภูตปตี ปชานํh

#๑ สี. ยุ. ปรเปสฺสิตาย ฯ ๒ สี. ยุ. ขตฺตา น เวสฺสาน ฯ ๓ ม. พฺราหฺมา็ #พหฺภูตปตี ฯ อิโต ปรํ อีทิสเมว ฯ ๔ ม. กิมตฺถมการิ ฯ สี. ยุ. กิมตฺถกาสิ ฯ