ติณฺฑุกานิ ปิยาลานิ มธุเก กาสมาริโย

ผลานิ ขุทฺทกปฺปานิ ภุญฺช พฺรเหฺม วรํ วรํ ฯ

อิทํปิ ปานิยํ สีตํ อาภตํ คิริคพฺภรา

ตโต ปิว มหาพฺรเหฺม สเจ ตฺวํ อภิกงฺขสิ ฯ

อถ ตฺวํ เกน วณฺเณน เกน วา ปน เหตุนา

อนุปฺปตโต พฺรหารญฺญํ ตํ เม อกฺขาหิ ปุจฺฉิโต ฯ

[๑๑๖๒] ยถา วาริวโห ปูโร สพฺพกาลํ น ขียติ

เอวนฺตํ ยาจิตาคญฺฉึ ปุตฺเต เม เทหิ ยาจิโต ฯ

[๑๑๖๓] ททามิ น วิกมฺปามิ อิสฺสโร นย พฺราหฺมณ

ปาโต คตา ราชปุตฺตี สายํ อุญฺฉาโต เอหิติ

เอกรตฺตึ วสิตฺวาน ปาโต คจฺฉสิ พฺราหฺมณ ฯ

ตสฺสา นฺหาโต อุปคฺฆาเต ๑ อถ เน มาลธาริเน

เอกรตฺตึ วสิตฺวาน ปาโต คจฺฉสิ พฺราหฺมณ ฯ

นานาปุปฺเผหิ สญฺฉนฺเน นานาคนฺเธหิ ภูสิเต

นานามูลผลากิณฺเณ คจฺฉ สฺวาทาย พฺราหฺมณ ฯ

[๑๑๖๔] น วาสมภิโรจามิ คมนํ มยฺหํปิ ๒ รุจฺจติ

อนฺตราโยปิ เม อสฺส คจฺฉญฺเญว รเถสภ ฯ

น เหตา ยาจโยคี นํ อนฺตรายสฺส การิยา

อิตฺถิกา ๓ มนฺตํ ชานนฺติ สพฺพํ คณฺหนฺติ วามโต ฯ

สทฺธาย ทานํ ททโต มา สมทกฺขิ มาตรํ ๔ #๑ ม. ... นฺหาเต อุปฆาเต ฯ ๒ ม. มยฺห ฯ ๓ ม. อตฺถิโย ฯ ๔ ม. มาสํ #อทกฺขิ มาตรํ ฯ