สุตฺตนฺตปิฏเก ขุทฺทกนิกายสฺส

สุตฺตนิปาโต

__________

นโม ตสฺส ภควโต อรหโต สมฺมาสมฺพุทฺธสฺส ฯ

ปฐโม อุรควคฺโค

ปฐมํ อุรคสุตฺตํ

[๒๙๔] ๑ โย เว ๑ อุปฺปติตํ วิเนติ โกธํ

วิสฏํ สปฺปวิสํว โอสเถหิ ๒

โส ภิกฺขุ ชหาติ โอรปารํ

อุรโค ชิณฺณมิว ตจํ ปุราณํ ฯ

โย ราคมุทจฺฉิทา อเสสํ

ภึสปุปฺผํว ๓ สโรรุหํ วิคยฺห

โส ภิกฺขุ ชหาติ โอรปารํ

อุรโค ชิณฺณมิว ตจํ ปุราณํ ฯ

โย ตณฺหมุทจฺฉิทา อเสสํ

สริตํ สีฆสรํ วิโสสยิตฺวา

#๑ ม. ยุ. เวสทฺโท นตฺถิ ฯ ๒ ม. โอสเธหิ ฯ ๓ ม. ยุ. ภิสปุปฺผํว ฯ