วจีปโกปํ รกฺเขยฺย วาจาย สํวุโต สิยา

วจีทุจฺจริตํ หิตฺวา วาจาย สุจริตํ จเร

มโนปโกปํ รกฺเขยฺย มนสา สํวุโต สิยา

มโนทุจฺจริตํ หิตฺวา มนสา สุจริตํ จเร

กาเยน สํวุตา ธีรา อโถ วาจาย สํวุตา

มนสา สํวุตา ธีรา เต เว สุปริสํวุตา ฯ

โกธวคฺโค สตฺตรสโม ฯ

______________

ธมฺมปทคาถาย อฏฺฐารสโม มลวคฺโค

[๒๘] ๑๘ ปณฺฑุปลาโสวทานิสิ

ยมปุริสาปิ จ ตํ ๑ อุปฏฺฐิตา

อุยฺโยคมุเข จ ติฏฺฐสิ

ปาเถยฺยมฺปิ จ เต น วิชฺชติ ฯ

โส กโรหิ ทีปมตฺตโน

ขิปฺปํ วายม ปณฺฑิโต ภว

นิทฺธนฺตมโล อนงฺคโณ

ทิพฺพํ อริยภูมิเมหิสิ ๒ ฯ

อุปนีตวโย ว ทานิสิ

#๑ โป. ม. เต. ฯ ๒ ม. อริยภูมึ อุเปหิสิ ฯ