กึ โส ปเร สกฺขติ นิชฺฌเปตุํ ฯ

ยถาปิ นาวํ ทฬฺหมารุหิตฺวา

ปิเยนริตฺเตน สมงฺคิภูโต

โส ตารเย ตตฺถ พหูปิ อญฺเญ

ตตฺรูปยญฺญู กุสโล มติมา ๑

เอวมฺปิ โย เวทคุ ภาวิตตฺโต

พหุสฺสุโต โหติ อเวธธมฺโม

โส โข ปเร นิชฺฌปเย ปชานํ

โสตาวธาโนปนิสูปปนฺเน ฯ

ตสฺมา หเว สปฺปุริสํ ภเชถ

เมธาวินญฺเจว พหุสฺสุตญฺจ

อญฺญาย อตฺถํ ปฏิปชฺชมาโน

วิญฺญาตธมฺโม ส ๒ สุขํ ลเภถาติ ฯ

นาวาสุตฺตํ อฏฺฐมํ

_________

สุตฺตนิปาเต ทุติยสฺส จูฬวคฺคสฺส นวมํ กึสีลสุตฺตํ

[๓๒๖] ๙ กึสีโล กึสมาจาโร กานิ กมฺมานิ พฺรูหยํ

นโร สมฺมานิวิฏฺฐสฺส อุตฺตมตฺถญฺจ ปาปุเณ ฯ

วุฑฺฒาปจายี อนุสุยฺยโก สิยา

#๑ ม. ยุ. มุตีมา ฯ ๒ ยุ. โส ฯ