อปริยาปนฺนกถา

[๑๕๙๔] ทิฏฺฐิคตํ อปริยาปนฺนนฺติ ฯ อามนฺตา ฯ มคฺโค ผลํ นิพฺพานํ โสตาปตฺติมคฺโค โสตาปตฺติผลํ สกทาคามิมคฺโค สกทาคามิผลํ อนาคามิมคฺโค อนาคามิผลํ อรหตฺตมคฺโค อรหตฺตผลํ สติปฏฺฐานํ สมฺมปฺปธานํ อิทฺธิปาโท อินฺทฺริยํ พลํ โพชฺฌงฺโคติ ฯ น เหวํ วตฺตพฺเพ ฯเปฯ

[๑๕๙๕] น วตฺตพฺพํ ทิฏฺฐิคตํ อปริยาปนฺนนฺติ ฯ อามนฺตา ฯ ปุถุชฺชโน กาเมสุ วีตราโคติ วตฺตพฺโพติ ฯ อามนฺตา ฯ วิคตทิฏฺฐิโยติ วตฺตพฺโพติ ฯ น เหวํ วตฺตพฺเพ ฯเปฯ เตนหิ ทิฏฺฐิคตํ อปริยาปนฺนนฺติ ฯ

อปริยาปนฺนกถา ฯ

จุทฺทสโม วคฺโค ฯ

ตสฺส อุทฺทานํ

อกุสลมูลํ ปฏิสนฺทหติ กุสลมูลํ กุสลมูลํ ปฏิสนฺทหติ

อกุสลมูลํ สฬายตนํ ฉวิญฺญาณกายา อริยรูปํ

มหาภูตานํ อุปาทาย เสฺวว อนุสโย ตํ ปริยุฏฺฐานํ

ปริยุฏฺฐานํ จิตฺตวิปฺปยุตฺตํ ยถาธาตุกญฺเจว อนุเสติ

ทิฏฺฐิคตํ อพฺยากตํ ทิฏฺฐิคตํ อปริยาปนฺนนฺติ ฯ

__________________