ปฏิจฺจ กมฺมํ ผุสติ ตสฺมึ เม สงฺกเต มโน ฯ
[๕๗๗] น ปฏิจฺจ กมฺมํ ผุสติ มโน เจ นปฺปทุสฺสติ
อปฺโปสฺสุกฺกสฺส ภทฺรสฺส น ปาปมุปลิมฺปตีติ ฯ
ติตฺติรชาตกํ นวมํ ฯ
___________
๑๐ สุจฺจชชาตกํ
[๕๗๘] สุจฺจชํ วต นจฺจชิ วาจาย อททํ คิรึ
กิญฺจิ ๑ ตสฺส จชนฺตสฺส วาจาย อททํ ๒ ปพฺพตํ ฯ
[๕๗๙] ยญฺหิ กยิรา ตญฺหิ วเท ยํ น กยิรา น ตํ วเท
อกโรนฺตํ ภาสมานํ ปริชานนฺติ ปณฺฑิตา ฯ
[๕๘๐] ราชปุตฺต นโม ตฺยตฺถุ สจฺเจ ธมฺเม ฐิโตวสิ ๓
ยสฺส เต พฺยสนํ ปตฺโต สจฺจสฺมึ รมเต มโน ฯ
[๕๘๑] ยา ทลิทฺที ทลิทฺทสฺส อฑฺฒา อฑฺฒสฺส กิตฺติมา ๔
สา หิสฺส ปรมา ภริยา สหิรญฺญสฺส อิตฺถิโยติ ฯ
สุจฺจชชาตกํ ทสมํ ฯ
ปุจิมนฺทวคฺโค ทุติโย ฯ
___________
ตสฺสุทฺทานํ
อถ โจร สกสฺสป ขนฺติวโร
ทุชฺชีวิตตา จ วรา ผรุสา
#๑ ม. กึ หิตสฺส ... ฯ ๒ ม. อทุํ ฯ ๓ ม. ฐิโต จสิ ฯ ๔ ม. กิตฺติม ฯ