ตสฺส รญฺโญ อหํ ปุตฺโต สุตธมฺโม สุสีลวา

อลีนสตฺโต คุณวา อนุรกฺขาปริชโน ๑ สทา ฯ

ปิตา เม มิควํ คนฺตฺวา โปริสาทํ อุปาคมิ

โส เม ปิตุมคฺคเหสิ ภกฺโขสิ มม มา จลิ ฯ

ตสฺส ตํ วจนํ สุตฺวา ภีโต ตสิตเวธิโต

อุรุกฺขมฺโภ ๒ อหุ ตสฺส ทิสฺวาน โปริสาทกํ ฯ

มิควํ คเหตฺวา มุญฺจสฺสุ กตฺวา อาคมนํ ปุน

พฺราหฺมณสฺส ธนํ ทตฺวา ปิตา อามนฺตยี มมํ ฯ

รชฺชํ ปุตฺต ปฏิปชฺช มา ปมชฺช ๓ ปุรํ อิทํ

กตํ เม โปริสาเทน มม อาคมนํ ปุน ฯ

มาตุปิตุญฺจ วนฺทิตฺวา นิมฺมินิตฺวาน อตฺตานํ ๔

นิกฺขมิตฺวา ธนน ขคฺคํ โปริสาทมุปาคมึ ฯ(

สสตฺถหตฺถูปคตํ กทาจิ โส ตสิสฺสติ

เตน ภิชฺชิสฺสตี สีลํ ปริตฺตาสํ กเต มยิ ฯ

สีลขณฺฑภยา มยฺหํ ตสฺส เทสฺสํ น พฺยาหรึ

เมตฺตจิตฺโต หิตวาที อิทํ วจนมพฺรวึ ฯ

อุชฺชเลหิ มหาอคฺคึ ปปติสฺสามิ รุกฺขโต

สุปกฺกกาลมญฺญาย ๕ ภกฺขย ๖ ตฺวํ ปิตามหา ฯ

อิติ สีลวตํ เหตุ นารกฺขึ มม ชีวิตํ

ปพฺพาเชสิมหนฺตสฺส สทา ปาณาติปาติกนฺติ ฯ

ชยทิสจริยํ นวมํ

#๑ ยุ. อนุตฺตรปริชโน ฯ ๒ ยุ. อุรุถมฺโภ ฯ ๓ ม. ยุ. ปมชฺชิ ฯ ๔ ม. อตฺตนา ฯ #๕ ยุ. สปตฺตกามญฺญลาย ฯ ๖ ม. อกฺขย มํ ปิตามห ฯ