อธิตา เวทคู สพฺเพ ฉฬงฺเค ปารมึ คตา

สกวิชฺชาหุปตฺถทฺธา หิมวนฺเต วสนฺติ เต ฯ

จวิตฺวา ตุสิตา กายา เทวปุตฺโต มหายโส

อุปฺปชฺชิ มาตุกุจฺฉิสฺมึ สมฺปชาโน ปฏิสฺสโต ฯ

สมฺพุทฺเธ อุปปชฺชนฺเต ทสสหสฺสิ กมฺปถ

อนฺธา จกฺขุํ อลภึสุ อุปฺปชฺชนฺตมฺหิ นายเก ฯ

ฉปฺปการมกมฺปิตฺถ ๑ เกวลา วสุธา อยํ

นิคฺโฆสสทฺทํ สุตฺวาน วิมฺหยึสุ ๒ มหาชนา ฯ

สพฺเพ ชนา สมาคมฺม อคญฺฉฉ มม สนฺติเก

วสุธายํ ปกมฺปิตฺถ กึวิปาโก ภวิสฺสติ ฯ

วิทสฺสามิ ๓ ตทา เตสํ มา ภายิตฺถ นตฺถิ โว ภยํ

วิสฺสฏฺฐา โหถ สพฺเพปิ อุปฺปาโทยํ สุขตฺถิโก ๔ ฯ

อฏฺฐเหตูหิ สมฺผสฺสา วสุธายํ ปกมฺปติ

ตถา นิมิตฺตา ทิสฺสนฺติ โอภาโส วิปุโล มหา ฯ

อสํสยํ พุทฺธเสฏฺโฐ อุปฺปชฺชิสฺสติ จกฺขุมา

สญฺญาเปตฺวาน ชนตํ ปญฺจ สีเล กเถสหํ ฯ

สุตฺวาน ปญฺจ สีลานิ พุทฺธุปฺปาทญฺจ ทุลฺลภํใ

อุพฺเพงฺคชาตา สุมนา ตุฏฺฐหฏฺฐา อเหสุ เต ฯ

เทฺวนวุเต อิโต กปฺเป ยํ นิมิตฺตํ วิยากรึ

ทุคฺคตึ นาภิชานามิ พฺยากรณสฺสิทํ ผลํ ฯ #๑ ม. สพฺพาการํ ปกมฺปิตฺถ ฯ ยุ. ฉพฺพิการํ ... ฯ ๒ ม. ยุ. อุพฺพิชฺชึสุ ฯ #๓ ม. อวจาสึ ตทา เตสํ ฯ ยุ. อวจาสิ ... ฯ ๔ ม. สุวตฺถิโก ฯ