จิตฺตสํสฏฺฐทุกํ

ปฏิจฺจวาโร

[๑๕๒] จิตฺตสํสฏฺฐํ ธมฺมํ ปฏิจฺจ จิตฺตสํสฏฺโฐ ธมฺโม อุปฺปชฺชติ เหตุปจฺจยา: จิตฺตสํสฏฺฐํ เอกํ ขนฺธํ ปฏิจฺจ เทฺว ขนฺธา เทฺว ขนฺเธ ... ปฏิสนฺธิ ฯ จิตฺตสํสฏฺฐํ ธมฺมํ ปฏิจฺจ จิตฺตวิสํสฏฺโฐ ธมฺโม อุปฺปชฺชติ เหตุปจฺจยา: จิตฺตสํสฏฺเฐ ขนฺเธ ปฏิจฺจ จิตฺตสมุฏฺฐานํ รูปํ ปฏิสนฺธิ ฯ

จิตฺตสํสฏฺฐทุกํ ยถา จิตฺตสมฺปยุตฺตทุกํ เอวํ กาตพฺพํ

นินฺนานากรณํ ฯ

______________

จิตฺตสมุฏฺฐานทุกํ

ปฏิจฺจวาโร

[๑๕๓] จิตฺตสมุฏฺฐานํ ธมฺมํ ปฏิจฺจ จิตฺตสมุฏฺฐาโน ธมฺโม อุปฺปชฺชติ เหตุปจฺจยา: จิตฺตสมุฏฺฐานํ เอกํ ขนฺธํ ปฏิจฺจ เทฺว ขนฺธา จิตฺตสมุฏฺฐานญฺจ รูปํ เทฺว ขนฺเธ ... ปฏิสนฺธิกฺขเณ จิตฺตสมุฏฺฐานํ เอกํ ขนฺธํ ปฏิจฺจ เทฺว ขนฺธา เทฺว ขนฺเธ ... จิตฺตสมุฏฺฐานํ เอกํ มหาภูตํ ... มหาภูเต ปฏิจฺจ จิตฺตสมุฏฺฐานํ รูปํ อุปาทารูปํ ฯ จิตฺตสมุฏฺฐานํ ธมฺมํ ปฏิจฺจ โนจิตฺตสมุฏฺฐาโน