Katamo ca, bhikkhave, bahulīkātabbo dhammo? Pāṇātipātā veramaṇī …pe… sammādiṭṭhi— ayaṁ vuccati, bhikkhave, bahulīkātabbo dhammo”ti. Aṭṭhamaṁ.

19. Ariyamaggavagga

Anussaritabbasutta “Anussaritabbañca vo, bhikkhave, dhammaṁ desessāmi nānussaritabbañca. Taṁ suṇātha …pe… katamo ca, bhikkhave, nānussaritabbo dhammo? Pāṇātipāto …pe… micchādiṭṭhi— ayaṁ vuccati, bhikkhave, nānussaritabbo dhammo. Katamo ca, bhikkhave, anussaritabbo dhammo? Pāṇātipātā veramaṇī …pe… sammādiṭṭhi— ayaṁ vuccati, bhikkhave, anussaritabbo dhammo”ti. Navamaṁ.

19. Ariyamaggavagga

Sacchikātabbasutta “Sacchikātabbañca vo, bhikkhave, dhammaṁ desessāmi na sacchikātabbañca. Taṁ suṇātha …pe… katamo ca, bhikkhave, na sacchikātabbo dhammo? Pāṇātipāto …pe… micchādiṭṭhi— ayaṁ vuccati, bhikkhave, na sacchikātabbo dhammo. Katamo ca, bhikkhave, sacchikātabbo dhammo? Pāṇātipātā veramaṇī …pe… sammādiṭṭhi— ayaṁ vuccati, bhikkhave, sacchikātabbo dhammo”ti. Dasamaṁ. Ariyamaggavaggo catuttho.

20. Aparapuggalavagga

Nasevitabbādisutta