ราธสํยุตฺเต อายาจนวคฺโค ตติโย

[๓๘๙] สาวตฺถี ฯ อถ โข อายสฺมา ราโธ เยน ภควา เตนุปสงฺกมิ อุปสงฺกมิตฺวา ภควนฺตํ อภิวาเทตฺวา เอกมนฺตํ นิสีทิ ฯ เอกมนฺตํ นิสินฺโน โข อายสฺมา ราโธ ภควนฺตํ เอตทโวจ สาธุ เม ภนฺเต ภควา สงฺขิตฺเตน ธมฺมํ เทเสตุ ยมหํ ภควโต ธมฺมํ สุตฺวา เอโก วูปกฏฺโฐ อปฺปมตฺโต อาตาปี ปหิตตฺโต วิหเรยฺยนฺติ ฯ โย โข ราธ มาโร ตตฺร เต ฉนฺโท ปหาตพฺโพ [๑] โก จ ราธ มาโร ฯ รูปํ โข ราธ มาโร ตตฺร เต ฉนฺโท ปหาตพฺโพ เวทนา มาโร ตตฺร เต ฉนฺโท ปหาตพฺโพ สญฺญา ฯ สงฺขารา มาโร ตตฺร เต ฉนฺโท ปหาตพฺโพ วิญฺญาณํ มาโร ตตฺร เต ฉนฺโท ปหาตพฺโพ ฯ โย โข ราธ มาโร ตตฺร เต ฉนฺโท ปหาตพฺโพ ฯ ราโค ปหาตพฺโพ ฯ ฉนฺทราโค ปหาตพฺโพติ ฯ

[๓๙๐] โย โข ราธ มารธมฺโม ตตฺร เต ฉนฺโท ปหาตพฺโพ ฯ ราโค ปหาตพฺโพ ฯ ฉนฺทราโค ปหาตพฺโพ ฯ

[๓๙๑] ยํ โข ราธ อนิจฺจํ ฯ

[๓๙๒] โย โข ราธ อนิจฺจธมฺโม ฯ

[๓๙๓] ยํ โข ราธ ทุกฺขํ ฯ

[๓๙๔] โย โข ราธ ทุกฺขธมฺโม ฯ

#[๑] ม. สพฺพตฺถนฺตเร ราโค ปหาตพฺโพ ฉนฺทราโค ปหาตพฺโพติ ทิสฺสติ ฯ