นปุเรชาตปจฺจยา ฯ ปฏิจฺจวาเร ปจฺจนียสทิสํ ฯ เตรส ปญฺหา นินฺนานํ ฯ นปจฺฉาชาตปจฺจยา นอาเสวนปจฺจยา ฯ

[๘๔๘] ทสฺสเนนปหาตพฺพเหตุกํ ธมฺมํ ปจฺจยา ทสฺสเนนปหาตพฺพเหตุโกต ธมฺโม อุปฺปชฺชติ นกมฺมปจฺจยา ทสฺสเนนปหาตพฺพเหตุเก ขนฺเธ ปจฺจยา ทสฺสเนนปหาตพฺพเหตุกา เจตนา ฯ

[๘๔๙] ภาวนายปหาตพฺพเหตุกํ ธมฺมํ ปจฺจยา ภาวนายปหาตพฺพเหตุโก ธมฺโม อุปฺปชฺชติ นกมฺมปจฺจยา ภาวนายปหาตพฺพเหตุเก ขนฺเธ ปจฺจยา ภาวนายปหาตพฺพเหตุกา เจตนา ฯ

[๘๕๐] เนวทสฺสเนนนภาวนายปหาตพฺพเหตุกํ ธมฺมํ ปจฺจยา เนวทสฺสเนนนภาวนายปหาตพฺพเหตุโก ธมฺโม อุปฺปชฺชติ นกมฺมปจฺจยา เนวทสฺสเนนนภาวนายปหาตพฺพเหตุเก ขนฺเธ ปจฺจยา เนวทสฺสเนนนภาวนายปหาตพฺพเหตุกา เจตนา พาหิรํ ... อาหารสมุฏฺฐานํ ... อุตุสมุฏฺฐานํ ... วตฺถุํ ปจฺจยา เนวทสฺสเนนนภาวนายปหาตพฺพเหตุกา เจตนา ฯ เนวทสฺสเนนนภาวนายปหาตพฺพเหตุกํ ธมฺมํ ปจฺจยา ทสฺสเนนปหาตพฺพเหตุโก ธมฺโม อุปฺปชฺชติ นกมฺมปจฺจยา วตฺถุํ ปจฺจยา ทสฺสเนนปหาตพฺพเหตุกา เจตนา วิจิกิจฺฉาสหคตํ โมหํ ปจฺจยา สมฺปยุตฺตกา เจตนา ฯ เนวทสฺสเนนนภาวนายปหาตพฺพเหตุกํ ธมฺมํ ปจฺจยา ภาวนายปหาตพฺพเหตุโก ธมฺโม ... วตฺถุํ ปจฺจยา ภาวนายปหาตพฺพเหตุกา เจตนา อุทฺธจฺจสหคตํ โมหํ ปจฺจยา สมฺปยุตฺตกา เจตนา ฯ