อกุสโล ธมฺโม อุปฺปชฺชติ เหตุปจฺจยา: ตีณิ ฯ โนจิตฺตานุปริวตฺตึ อกุสลํ ธมฺมํ ปฏิจฺจ จิตฺตานุปริวตฺตี อกุสโล ธมฺโม อุปฺปชฺชติ เหตุปจฺจยา: ฯ จิตฺตานุปริวตฺตึ อกุสลญฺจ โนจิตฺตานุปริวตฺตึ อกุสลญฺจ ธมฺมํ ปฏิจฺจ จิตฺตานุปริวตฺตี อกุสโล ธมฺโม อุปฺปชฺชติ เหตุปจฺจยา: ฯ
[๑๔๙๒] เหตุยา ปญฺจ อารมฺมเณ ปญฺจ อวิคเต ปญฺจ ฯ
สหชาตวาโรปิ ปญฺหาวาโรปิ วิตฺถาเรตพฺพา ฯ
__________
ปฏิจฺจวาโร
[๑๔๙๓] จิตฺตานุปริวตฺตึ อพฺยากตํ ธมฺมํ ปฏิจฺจ จิตฺตานุปริวตฺตี อพฺยากโต ธมฺโม อุปฺปชฺชติ เหตุปจฺจยา: ฯ
[๑๔๙๔] เหตุยา นว อารมฺมเณ นว อวิคเต นว ฯ
ยถา เจตสิกทุกสทิสํ ฯ
สหชาตวาโรปิ ปญฺหาวาโรปิ วิตฺถาเรตพฺพา ฯ
จิตฺตานุปริวตฺติทุกกุสลตฺติกํ นิฏฺฐิตํ ฯ
______________
จิตฺตสํสฏฺฐสมุฏฺฐานทุกกุสลตฺติกํ
ปฏิจฺจวาโร
[๑๔๙๕] จิตฺตสํสฏฺฐสมุฏฺฐานํ กุสลํ ธมฺมํ ปฏิจฺจ จิตฺตสํสฏฺฐสมุฏฺฐาโน กุสโล ธมฺโม อุปฺปชฺชติ เหตุปจฺจยา: จิตฺตสํสฏฺฐสมุฏฺฐานํ