[๒๓๗] นเหตุยา ปณฺณรส นอารมฺมเณ ปณฺณรส ฯ

[๒๓๘] อารมฺมณปจฺจยา นเหตุยา สตฺต ฯ

[๒๓๙] นเหตุปจฺจยา อารมฺมเณ สตฺต ฯ

ยถา กุสลตฺติเก ปญฺหาวารมฺปิ เอวํ วิตฺถาเรตพฺพํ ฯ

อาจยคามิตฺติกเหตุทุกํ นิฏฺฐิตํ ฯ

__________

เสกฺขตฺติกเหตุทุกํ

[๒๔๐] เสกฺขํ เหตุํ ธมฺมํ ปฏิจฺจ เสกฺโข เหตุ ธมฺโม อุปฺปชฺชติ เหตุปจฺจยา: ฯ อเสกฺขํ เหตุํ ธมฺมํ ปฏิจฺจ อเสกฺโข เหตุ ธมฺโม อุปฺปชฺชติ เหตุปจฺจยา: ฯ เนวเสกฺขานาเสกฺขํ เหตุํ ธมฺมํ ปฏิจฺจ เนวเสกฺขานาเสกฺโข เหตุ ธมฺโม อุปฺปชฺชติ เหตุปจฺจยา: ฯ

[๒๔๑] เหตุยา ตีณิ อารมฺมเณ ตีณิ อธิปติยา ตีณิ อวิคเต ตีณิ ฯ

[๒๔๒] นอธิปติยา ตีณิ นปุเรชาเต ตีณิ นปจฺฉาชาเต ตีณิ นอาเสวเน ตีณิ นวิปาเก เทฺว นวิปฺปยุตฺเต ตีณิ ฯ

[๒๔๓] เหตุปจฺจยา นอธิปติยา ตีณิ ฯ

[๒๔๔] นอธิปติปจฺจยา เหตุยา ตีณิ ฯ

สหชาตวาโรปิ สมฺปยุตฺตวาโรปิ วิตฺถาเรตพฺพา ฯ

[๒๔๕] เสกฺโข เหตุ ธมฺโม เสกฺขสฺส เหตุสฺส ธมฺมสฺส