อุปฺปชฺชติ เหตุปจฺจยา: ฯ กุสลํ นทสฺสเนนปหาตพฺพญฺจ อพฺยากตํ นทสฺสเนนปหาตพฺพญฺจ ธมฺมํ ปฏิจฺจ อพฺยากโต นทสฺสเนนปหาตพฺโพ ธมฺโม อุปฺปชฺชติ เหตุปจฺจยา: ฯ อกุสลํ นทสฺสเนนปหาตพฺพญฺจ อพฺยากตํ นทสฺสเนนปหาตพฺพญฺจ ธมฺมํ ปฏิจฺจ อพฺยากโต นทสฺสเนนปหาตพฺโพ ธมฺโม อุปฺปชฺชติ เหตุปจฺจยา: ฯ

[๗๗๘] เหตุยา นว อารมฺมเณ ตีณิ อวิคเต นว ฯ

สหชาตวาโรปิ สมฺปยุตฺตวาโรปิ ปฏิจฺจวารสทิสา ฯ

[๗๗๙] กุสโล นทสฺสเนนปหาตพฺโพ ธมฺโม กุสลสฺส นทสฺสเนนปหาตพฺพสฺส ธมฺมสฺส เหตุปจฺจเยน ปจฺจโย: ตีณิ ฯ อกุสโล นทสฺสเนนปหาตพฺโพ ธมฺโม อกุสลสฺส นทสฺสเนนปหาตพฺพสฺส ธมฺมสฺส เหตุปจฺจเยน ปจฺจโย: ตีณิ ฯ อพฺยากโต นทสฺสเนนปหาตพฺโพ ธมฺโม อพฺยากตสฺส นทสฺสเนนปหาตพฺพสฺส ธมฺมสฺส เหตุปจฺจเยน ปจฺจโย: ฯ

[๗๘๐] เหตุยา สตฺต อารมฺมเณ นว อธิปติยา ทส อนนฺตเร สตฺต อวิคเต เตรส ฯ

ยถา กุสลตฺติเก ปญฺหาวารมฺปิ เอวํ วิตฺถาเรตพฺพํ ฯ

กุสลตฺติกทสฺสเนนปหาตพฺพทุกํ นิฏฺฐิตํ ฯ

______________