อุปาทินฺนตฺติกสรณทุกํ

[๘๗๖] อนุปาทินฺนุปาทานิยํ สรณํ ธมฺมํ ปฏิจฺจ อนุปาทินฺนุปาทานิโย สรโณ ธมฺโม อุปฺปชฺชติ เหตุปจฺจยา: ฯ

[๘๗๗] เหตุยา เอกํ อวิคเต เอกํ ฯ

สหชาตวาเรปิ ปญฺหาวาเรปิ สพฺพตฺถ เอกํ ฯ

[๘๗๘] อุปาทินฺนุปาทานิยํ อรณํ ธมฺมํ ปฏิจฺจ อุปาทินฺนุปาทานิโย อรโณ ธมฺโม อุปฺปชฺชติ เหตุปจฺจยา: ตีณิ ฯ อนุปาทินฺนุปาทานิยํ อรณํ ธมฺมํ ปฏิจฺจ อนุปาทินฺนุปาทานิโย อรโณ ธมฺโม อุปฺปชฺชติ เหตุปจฺจยา: ตีณิ ฯ อนุปาทินฺนอนุปาทานิยํ อรณํ ธมฺมํ ปฏิจฺจ อนุปาทินฺนอนุปาทานิโย อรโณ ธมฺโม อุปฺปชฺชติ เหตุปจฺจยา: ตีณิ ฯ

[๘๗๙] เหตุยา นว อารมฺมเณ ตีณิ อวิคเต นว ฯ

สหชาตวาโรปิ สมฺปยุตฺตวาโรปิ ปฏิจฺจวารสทิสา ฯ

[๘๘๐] อุปาทินฺนุปาทานิโย อรโณ ธมฺโม อุปาทินฺนุปาทานิยสฺส อรณสฺส ธมฺมสฺส เหตุปจฺจเยน ปจฺจโย: ตีณิ ฯ อนุปาทินฺนุปาทานิโย อรโณ ธมฺโม อนุปาทินฺนุปาทานิยสฺส อรณสฺส ธมฺมสฺส เหตุปจฺจเยน ปจฺจโย: ฯ อนุปาทินฺนอนุปาทานิโย อรโณ ธมฺโม อนุปาทินฺนอนุปาทานิยสฺส อรณสฺส ธมฺมสฺส เหตุปจฺจเยน ปจฺจโย: ตีณิ ฯ