อรณสฺส ธมฺมสฺส เหตุปจฺจเยน ปจฺจโย: ตีณิ ฯ

[๘๘๗] เหตุยา จตฺตาริ อารมฺมเณ ตีณิ อวิคเต สตฺต ฯ

ยถา กุสลตฺติเก ปญฺหาวารมฺปิ เอวํ วิตฺถาเรตพฺพํ ฯ

สงฺกิลิฏฺฐตฺติกสรณทุกํ นิฏฺฐิตํ ฯ

___________________

วิตกฺกตฺติกสรณทุกํ

[๘๘๘] สวิตกฺกสวิจารํ สรณํ ธมฺมํ ปฏิจฺจ สวิตกฺกสวิจาโร สรโณ ธมฺโม อุปฺปชฺชติ เหตุปจฺจยา: สวิตกฺกสวิจารํ สรณํ ธมฺมํ ปฏิจฺจ อวิตกฺกวิจารมตฺโต สรโณ ธมฺโม อุปฺปชฺชติ เหตุปจฺจยา: สวิตกฺกสวิจารํ สรณํ ธมฺมํ ปฏิจฺจ สวิตกฺกสวิจาโร สรโณ จ อวิตกฺกวิจารมตฺโต สรโณ จ ธมฺมา อุปฺปชฺชนฺติ เหตุปจฺจยา: ฯ อวิตกฺกวิจารมตฺตํ สรณํ ธมฺมํ ปฏิจฺจ สวิตกฺกสวิจาโร สรโณ ธมฺโม อุปฺปชฺชติ เหตุปจฺจยา: ฯ สวิตกฺกสวิจารํ สรณญฺจ อวิตกฺกวิจารมตฺตํ สรณญฺจ ธมฺมํ ปฏิจฺจ สวิตกฺกสวิจาโร สรโณ ธมฺโม อุปฺปชฺชติ เหตุปจฺจยา: ฯ

[๘๘๙] เหตุยา ปญฺจ อวิคเต ปญฺจ ฯ

สหชาตวาเรปิ ปญฺหาวาเรปิ สพฺพตฺถ วิตฺถาโร ฯ

[๘๙๐] สวิตกฺกสวิจารํ อรณํ ธมฺมํ ปฏิจฺจ สวิตกฺกสวิจาโร อรโณ ธมฺโม อุปฺปชฺชติ เหตุปจฺจยา: สตฺต ฯ อวิตกฺกวิจารมตฺตํ อรณํ ธมฺมํ ปฏิจฺจ อวิตกฺกวิจารมตฺโต อรโณ ธมฺโม อุปฺปชฺชติ