[๑๔๘๘] นเหตุปจฺจยา อุปนิสฺสเย เทฺว ปุเรชาเต เอกํ อตฺถิยา เอกํ อวิคเต เอกํ ฯ
ยถากุสลตฺติเก ปญฺหาวารํ เอวํ วิตฺถาเรตพฺพํ ฯ
ปจฺจนียานุโลมทุกทุกปฏฺฐานํ นิฏฺฐิตํ ฯ
ปจฺจนียานุโลมปฏฺฐานํ นิฏฺฐิตํ ฯ
อนุโลม ทุกตฺติกปฏฺฐานโต ปฏฺฐาย ยาว ปริโยสานา
ตึสมตฺเตหิ ภาณวาเรหิ ปฏฺฐานํ ฯ
ปฏฺฐานปฺปกรณํ ปริปุณฺณํ
อภิธมฺมปิฏกํ
นิฏฺฐิตํ
_____________________
เอตฺตาวตา จ อเมฺหหิ ยํ ปุญฺญํ ปสุตํ พหุํ
ตํ โน เทวานุโมทนฺตุ สพฺพ สมฺปตฺติ สิทฺธิยา
ทุกฺขปฺปตฺตา จ นิทฺทุกฺขา ภยปฺปตฺตา จ นิพฺภยา
โสกปฺปตฺตา จ นิสฺโสกา เขมํ ปปฺโปนฺตุ ปาณิโน
สพฺเพ พุทฺธา พลปฺปตฺตา ปจฺเจกานญฺจ ยํ พลํ
เตสํ จ ธมฺมเตเชน รกฺขํ พนฺธามิ สพฺพโส