ปาราชิกํ ยํ ปฐมํ ทุติยญฺจ ตโต ปรํ

สญฺจริตฺตานุภาสญฺจ อติเรกญฺจ จีวรํ

โลมานิ ปทโสธมฺโม ภูตสํวิธาเนน จ

เถยฺยเทสนโจริญฺจ อนนุญฺญาย ๑ เตรส ฯ

เตรเสเต สมุฏฺฐานนยา วิญฺญูหิ จินฺติตา

เอเกกสฺมึ สมุฏฺฐาเน สทิสา อิธ ทิสฺสเร ฯ

__________________

[๘๒๗] เมถุนํ สุกฺกสํสคฺโค อนิยตา ปฐมิกา

ปุพฺพูปปริปาจิตา รโห ภิกฺขุนิยา สห

สโภชเน รโห เทฺว จ องฺคุลิ อุทเก หสํ

ปหาเร อุคฺคิเร เจว เตปญฺญาสา จ เสขิยา

อธกฺขคามาวสฺสุตา ๒ ตลมฏฺฐญฺจ สุทฺธิกา

วสฺสํ วุตฺถา จ โอวาทํ นานุพนฺเธ ปวตฺตินึ

ฉสตฺตติ อิเม สิกฺขา กายมานสิกา กตา

สพฺเพ เอกสมุฏฺฐานา ปฐมํ ปาราชิกํ ยถา ฯ

ปฐมปาราชิกสมุฏฺฐานํ นิฏฺฐิตํ ฯ

[๘๒๘] อทินฺนํ วิคฺคหุตฺตรึ ๓ ทุฏฺฐุลฺลา อตฺตกามินํ

อมูลา อญฺญภาคิยา อนิยตา ทุติยิกา

อจฺฉินฺเท ปริณามเน มุสา โอมสเปสุณา

ทุฏฺฐุลฺลา ปฐวีขเณ ๔ ภูตํ อญฺญาย อุชฺฌเป #๑ ม. ยุ. อนนุญฺญาตาย ฯ ๒ ยุ. อธกฺขกํ ฯ ๓ ม. วิคฺคหุตฺตริ ฯ ๔ ยุ. ปฐวึขเณ ฯ