น ชีวติ น มโต น นิพฺพุโต ฯ
ตํ ปุคฺคลํ กตมํ วทนฺติ พุทฺธา
ปญฺหา เมสา กุสเลหิ จินฺติตา ฯ
[๑๓๐๑] อุพฺภกฺขเก น วทามิ อโธนาภึ ๑ วิวชฺชิย
เมถุนธมฺมปจฺจยา กถํ ปาราชิโก สิยา
ปญฺหา เมสา กุสเลหิ จินฺติตา ฯ
[๑๓๐๒] ภิกฺขุ สญฺญาจิกาย กุฏึ กโรติ
อเทสิตวตฺถุกํ ปมาณาติกนฺตํ
สารมฺภํ อปริกฺกมนํ อนาปตฺติ
ปญฺหา เมสา กุสเลหิ จินฺติตา ฯ
[๑๓๐๓] ภิกฺขุ สญฺญาจิกาย กุฏึ กโรติ
เทสิตวตฺถุกํ ปมาณิกํ
อนารมฺภํ สปริกฺกมนํ อาปตฺติ
ปญฺหา เมสา กุสเลหิ จินฺติตา ฯ
[๑๓๐๔] น กายิกํ กิญฺจิ ปโยคมาจเร
น จาปิ วาจาย ปเร ภเณยฺย
อาปชฺเชยฺย ครุกํ เฉชฺชวตฺถุํ
ปญฺหา เมสา กุสเลหิ จินฺติตา ฯ
[๑๓๐๕] น กายิกํ วาจสิกญฺจ กิญฺจิ
มนสาปิ สนฺโต น กเรยฺย ปาปํ
#๑ ยุ. อโธนาภิ ฯ