ปาติโมกฺขญฺจ ฐปนา ปวารณญฺจ ฐปนํ
ตชฺชนียานิยสฺสญฺจ ปพฺพาชปฏิสารณี ๑
อุกฺเขปนปริวาสํ มูลํ มานตฺตพฺภานกํ ๒
โอสารณํ นิสฺสารณํ ตเถว อุปสมฺปทา
อปโลกนํ ญตฺติ จ ๓ ทุติยญฺจ จตุตฺถกํ
อปฺปญฺญตฺเตนุปญฺญตฺตํ สมฺมุขาวินโย สติ
อมูฬฺหปฏิเยภุยฺย ปาปิยติณวตฺถารกํ
วตฺถุํ ๔ วิปตฺติ อาปตฺติ นิทานํ ปุคฺคเลน จ
ขนฺธา เจว สมุฏฺฐานา อธิกรณเมว จ
สมถา สงฺคหา เจว นามา อาปตฺติกา ๕ ตถาติ ฯ
ปริวาโร นิฏฺฐิโต ฯ
____________
[๑๓๖๖] ปุพฺพาจริยมคฺคญฺจ ปุจฺฉิตฺวา ว ตหึ ตหึ
ทีปนาโม มหาปญฺโญ สุตธโร วิจกฺขโณ
อิมํ วิตฺถารสงฺเขปํ สชฺฌามคฺเคน มชฺฌิเม
จินฺตยิตฺวา ลิขาเปสิ สิสฺสกานํ สุขาวหํ ฯ
ปริวารนฺติ ยํ วุตฺตํ สพฺพํ วตฺถุํ สลกฺขณํ
อตฺถํ อตฺเถน สทฺธมฺเม ธมฺมํ ธมฺเมน ปญฺญตฺเต #๑ ม. ยุ. ปพฺพาชนียปฏิสารณี ฯ ๒ ม. ยุ. มูลมานตฺตอพฺภานํ ฯ ๓ อปโลกนญตฺติ จ ฯ #๔ วตฺถุ ฯ ๕ นามอาปตฺติกา ฯ