[๗๒๘] เอตํ ภยํ กามคุเณสุ ทิสฺวาติ เอตํ ภยํ กามคุเณสุ ทิสฺวา ปสฺสิตฺวา ตุลยิตฺวา ตีรยิตฺวา วิภาวยิตฺวา วิภูตํ กตฺวาติ เอตํ ภยํ กามคุเณสุ ทิสฺวา ฯ เอโก จเร ขคฺควิสาณกปฺโป ฯ เตนาห โส ปจฺเจกสมฺพุทฺโธ

อีตี จ คณฺโฑ จ อุปทฺทโว จ

โรโค จ สลฺลญฺจ ภยญฺจ เมตํ

เอตํ ภยํ กามคุเณสุ ทิสฺวา

เอโก จเร ขคฺควิสาณกปฺโปติ ฯ

[๗๒๙] สีตญฺจ อุณฺหญฺจ ขุทํ ปิปาสํ

วาตาตเป ฑํสสิรึสเป ๑ จ

สพฺพานิ เปตานิ อภิสํภวิตฺวา

เอโก จเร ขคฺควิสาณกปฺโป ฯ

[๗๓๐] สีตญฺจ อุณฺหญฺจ ขุทํ ปิปาสนฺติ [๒] ทฺวีหิ การเณหิ สีตํ โหติ อพฺภนฺตรธาตุปโกปวเสน วา สีตํ โหติ พหิทฺธาอุตุวเสน วา สีตํ โหติ ฯ อุณฺหนฺติ ทฺวีหิ การเณหิ อุณฺหํ โหติ อพฺภนฺตรธาตุปโกปวเสน วา อุณฺหํ โหติ พหิทฺธาอุตุวเสน วา อุณฺหํ โหติ ฯ ขุทฺทา ๓ วุจฺจติ ฉาตโก ฯ ปิปาสา วุจฺจติ อุทกมฺปีติ ๔ สีตญฺจ อุณฺหญฺจ ขุทํ ปิปาสํ ฯ

[๗๓๑] วาตาตเป ฑํสสิรึสเป จาติ วาตาติ ปุรตฺถิมา วาตา ปจฺฉิมา วาตา อุตฺตรา วาตา ทกฺขิณา วาตา สรชา วาตา [๕] #๑ ม. ฑํสสรีสเป ฯ เอวมุปริปิ ฯ ๒ ม. สีตนฺติ ฯ ๓ ม. ขุทา ฯ ๔ ม. อุทกปิปาสาติ ฯ #๕ อรชา วาตา ฯ เอวมีทิเสสุ ฐาเนสุ ฯ