สุวณฺณวณฺณา หุตฺวาน ภเวสุ สํสรามหํ

สพฺพตฺถ ปวรา โหมิ อุโปสถสฺสิทํ ผลํ ฯ

หตฺถิยานํ อสฺสยานํ รถยานญฺจ เกวลํ ๑

ลภามิ สพฺพเมตมฺปิ ๒ อุโปสถสฺสิทํ ผลํ ฯ

โสวณฺณมยํ รูปิมยํ อโถปิ ผลิกามยํ

โลหิตงฺกมยญฺเจว สพฺพํ ปฏิลภามหํ ฯ

โกเสยฺยกมฺพลกานิ ๓ โขมกปฺปาสิกานิ จ

มหคฺฆานิ จ วตฺถานิ สพฺพํ ปฏิลภามหํ ฯ

อนฺนปานํ ขาทนียํ วตฺถเสนาสนานิ จ

สพฺพเมตํ ปฏิลเภ อุโปสถสฺสิทํ ผลํ ฯ

วรคนฺธญฺจ มาลญฺจ จุณฺณกญฺจ วิเลปนํ

สพฺพเมตํ ปฏิลเภ อุโปสถสฺสิทํ ผลํ ฯ

กูฏาคารญฺจ ปาสาทํ มณฺฑปํ หมฺมิยํ คุหํ

สพฺพเมตํ ปฏิลเภ อุโปสถสฺสิทํ ผลํ ฯ

ชาติยา สตฺตวสฺสาหํ ปพฺพชึ อนคาริยํ

อฑฺฒมาเส อสมฺปตฺเต อรหตฺตํ อปาปุณึ

[๔]

สพฺพาสวปริกฺขีณา นตฺถิ ทานิ ปุนพฺภโว ฯ

เอกนวุเต อิโต กปฺเป ยํ กมฺมมกรึ ตทา

ทุคฺคตึ นาภิชานามิ อุโปสถสฺสิทํ ผลํ ฯ #๑ ม. สีวิกํ ฯ ๒ ม. สพฺพเมเวตํ ฯ ๓ ม. ยุ. ...กมฺพลิยานิ ฯ ๔ ม. ยุ. กิเลสา #ฌาปิตา มยฺหํ ภวา สพฺเพ สมูหตา ฯ