สาธูติ เต ปฏิสฺสุตฺวา นิปกา สํวุตินฺทฺริยา

ปตฺตจีวรมาทาย ตรมานา อุปาคมม ฯ

ขีณาสเวหิ วิมเลหิ ทนฺเตหิ อุตฺตเม ทเม

สารีปุตฺโต มหาปญฺโญ อิทฺธิยา อุปสงฺกมิ ฯ

เตหิ ภิกฺขูหิ ปริวุโต สารีปุตฺโต มหาคณี

ลิฬนฺโต ๑ เทโวว คคเน อิทฺธิยา อุปสงฺกมิ ฯ

อุกฺกาสิตญฺจ ขิปิตญฺจ อชฺฌุเปกฺขิตฺวาน สุพฺพตา

สคารวา สปฺปติสฺสา สมฺพุทฺธํ อุปสงฺกมม ฯ

อุปสงฺกมิตฺวา ปสฺสนฺติ สยมฺภุํ โลกนายกํ

นเภ อจฺจุคฺคตํ วีรํ จนฺทํว คคเน ยถา ฯ

ชลนฺตํ ทีปรุกฺขํว วิชฺชุว คคเน ยถา

มชฺฌนฺติเกว สุริยํ ปสฺสนฺติ โลกนายกํ ฯ

ปญฺจภิกฺขุสตา สพฺเพ ปสฺสนฺติ โลกนายกํ

รหทมิว วิปฺปสนฺนํ สุผุลฺลํ ปทุมํ ยถา ฯ

อญฺชลึ ปคฺคเหตฺวาน ตุฏฺฐหฏฺฐา ปโมทิตา

นมสฺสมานา นิปตนฺติ สตฺถุโน จกฺกลกฺขเณ ฯ

สารีปุตฺโต มหาปญฺโญ โกรณฺฑสมสาทิโส

สมาธิชฺฌานกุสโล วนฺทติ โลกนายกํ ฯ

คชฺชิโต กาลเมโฆว นีลุปฺปลสมสาทิโส

อิทฺธิพเลน อสโม โมคฺคลฺลาโน มหิทฺธิโก ฯ #๑ ม. ยุ. ลฬนฺโต ฯ