สฺวาคตํ วต โน อาสิ พุทฺธเสฏฺฐสฺส สนฺติเก

ติสฺโส วิชฺชา อนุปฺปตฺตา กตํ พุทฺธสฺส สาสนํ ฯ

ปฏิสมฺภิทา จตสฺโส วิโมกฺขาปิจ อฏฺฐิเม

ฉฬภิญฺญา สจฺฉิกตา กตํ พุทฺธสฺส สาสนนฺติ ฯ

อิตฺถํ สุทํ ยโสธรีปมุขานิ ทส ภิกฺขุนีสหสฺสานิ ภควโต สมฺมุขา

อิมา คาถาโย อภาสิตฺถาติ ฯ

ทสสหสฺสเถรีนํ อปทานํ สมตฺตํ ฯ

ทสมํ อฏฺฐารสเถรีสหสฺสานมปทานํ (๓๐)

[๑๗๐] อฏฺฐารสสหสฺสานิ ภิกฺขุนี สากิยสมฺภวา

ยโสธรีปมุขานิ สมฺพุทฺธํ อุปสงฺกมม ฯ

อฏฺฐารสสหสฺสานิ ๑ สพฺพา โหนฺติ มหิทฺธิกา

วนฺทนฺติ มุนิโน ปาเท อาโรเจนฺติ ยถาพลํ ฯ

ชาติ ขีณา ชรา พฺยาธิ มรณญฺจ มหามุเน ๒

อนาสวํ ปทํ สนฺตํ อมตํ ยาม นายกํ ๓ ฯ

ขลิตญฺจ ปุเร อตฺถิ สพฺพาสมฺปิ มหามุนิ

อปราธํ ปชานนฺติ ขม อมฺหํ วินายก ฯ

อิทฺธิญฺจาปิ นิทสฺเสถ มม สาสนการิกา

ปริสานญฺจ สพฺพาสํ กงฺขํ ฉินฺทถ ยาวตา ฯ

ยโสธรา ๔ มหาวีร มนาปา ปิยทสฺสนา #๑ โป. ยโสธราสหสฺสานิ ฯ ยุ. ยโสธรียสหสฺสานิ ฯ ๒ ม. ยุ. มหามุนิ ฯ #๓ ม. ยุ. นายก ฯ ๔ ยุ. ยโสธรี ฯ