ปกฺกมติ ฯเปฯ โส ทฺวีหตีหํ วสิตฺวา สตฺตาหกรณีเยน ปกฺกมติ ฯ โส ตํ สตฺตาหํ พหิทฺธา วีตินาเมติ ฯ ตสฺส ภิกฺขเว ภิกฺขุโน ปจฺฉิมิกา จ น ปญฺญายติ ปฏิสฺสเว จ อาปตฺติ ทุกฺกฏสฺส ฯเปฯ โส ทฺวีหตีหํ วสิตฺวา สตฺตาหกรณีเยน ปกฺกมติ ฯ โส ตํ สตฺตาหํ อนฺโต สนฺนิวฏฺฏํ กโรติ ฯ ตสฺส ภิกฺขเว ภิกฺขุโน ปจฺฉิมิกา จ ปญฺญายติ ปฏิสฺสเว จ อนาปตฺติ ฯ อิธ ปน ภิกฺขเว ภิกฺขุนา วสฺสาวาโส ปฏิสฺสุโต โหติ ปจฺฉิมิกาย ฯเปฯ โส สตฺตาหํ อนาคตาย โกมุทิยา จาตุมาสินิยา สกรณีโย ปกฺกมติ ฯ อาคจฺเฉยฺย วา โส ภิกฺขเว ภิกฺขุ ตํ อาวาสํ น วา อาคจฺเฉยฺย ฯ ตสฺส ภิกฺขเว ภิกฺขุโน ปจฺฉิมิกา จ ปญฺญายติ ปฏิสฺสเว จ อนาปตฺตีติ ฯ

วสฺสูปนายิกกฺขนฺธกํ ตติยํ ฯ

__________

ตสฺสุทฺทานํ ฯ

[๒๒๓] อุปคนฺตุํ กทา เจว กติ อนฺตรวสฺส ๑ จ

น อิจฺฉนฺติ จ สญฺจิจฺจ อุกฺกฑฺฒิตุํ อุปาสโก

คิลาโน มาตา จ ปิตา ภาตา จ อถ ญาตโก

ภิกฺขุภติโก ๒ วิหาโร วาฬา จาปิ สิรึสปา ๓

โจรา ๔ เจว ปิสาจาปิ ทฑฺฒา ๕ ตทุภเยน จ

วุโฬฺหทเกน วุฏฺฐาสิ พหุตรา จ ทายกา #๑ ม. ยุ. อนฺตรา วสฺส จ ฯ ๒ ม. ภิกฺขุคติโก ฯ ๓ ม. สรีสปา ฯ ๔ ม. โจโร #เจว ปิสาจา จ ฯ ยุ. โจรา เจว ปิสาจา จ ฯ ๕ ยุ. ทฑฺโฒ ฯ