นิสฺสยวาโร ปจฺจยวารสทิโส

สํสฏฺฐวาโร

[๓๔๐] อาสวํ ธมฺมํ สํสฏฺโฐ อาสโว ธมฺโม อุปฺปชฺชติ เหตุปจฺจยา: กามาสวํ สํสฏฺโฐ ทิฏฺฐาสโว อวิชฺชาสโว ฯ จกฺกํ ฯ(

สงฺขิตฺตํ ฯ

[๓๔๑] เหตุยา นว อารมฺมเณ นว สพฺพตฺถ นว วิปาเก เอกํ อวิคเต นว ฯ

[๓๔๒] นเหตุยา เทฺว นอธิปติยา นว นปุเรชาเต นว นปจฺฉาชาเต นว นอาเสวเน นว นกมฺเม ตีณิ นวิปาเก นว นฌาเน เอกํ นมคฺเค เอกํ นวิปฺปยุตฺเต นว ฯ

คณนาปิ สมฺปยุตฺตวาโรปิ สํสฏฺฐวารสทิโส ฯ

ปญฺหาวาโร

[๓๔๓] อาสโว ธมฺโม อาสวสฺส ธมฺมสฺส เหตุปจฺจเยน ปจฺจโย: กามาสโว ทิฏฺฐาสวสฺส อวิชฺชาสวสฺส เหตุปจฺจเยน ปจฺจโย ภวาสโว อวิชฺชาสวสฺส เหตุปจฺจเยน ปจฺจโย ฯ จกฺกํ ฯ อาสโว ธมฺโม โนอาสวสฺส ธมฺมสฺส เหตุปจฺจเยน ปจฺจโย: อาสวา เหตู สมฺปยุตฺตกานํ ขนฺธานํ จิตฺตสมุฏฺฐานานญฺจ รูปานํ เหตุปจฺจเยน ปจฺจโย ฯ อาสโว ธมฺโม อาสวสฺส จ โนอาสวสฺส จ ธมฺมสฺส เหตุปจฺจเยน ปจฺจโย: กามาสโว ทิฏฺฐาสวสฺส อวิชฺชาสวสฺส สมฺปยุตฺตกานญฺจ ขนฺธานํ จิตฺตสมุฏฺฐานานญฺจ รูปานํ เหตุปจฺจเยน