นว นอญฺญมญฺเญ ตีณิ นอุปนิสฺสเย นว สพฺพตฺถ นว นมคฺเค นว นสมฺปยุตฺเต ตีณิ นวิปฺปยุตฺเต นว โนนตฺถิยา นว โนวิคเต นว ฯ

[๕๒๕] นเหตุปจฺจยา อารมฺมเณ นว ... อธิปติยา นว อนุโลมปทานิ ปริปุณฺณานิ กาตพฺพานิ ... อวิคเต นว ฯ

คนฺถทุกํ นิฏฺฐิตํ ฯ

_________________

คนฺถนิยทุกํ

ปฏิจฺจวาโร

[๕๒๖] คนฺถนิยํ ธมฺมํ ปฏิจฺจ คนฺถนิโย ธมฺโม อุปฺปชฺชติ เหตุปจฺจยา: คนฺถนิยํ เอกํ ขนฺธํ ... ฯ สงฺขิตฺตํ ฯ ยถา จูฬนฺตรทุเก โลกิยทุกํ เอวํ วิภชิตพฺพํ นินฺนานากรณํ ฯ

คนฺถนิยทุกํ นิฏฺฐิตํ ฯ

__________________

คนฺถสมฺปยุตฺตทุกํ

ปฏิจฺจวาโร

[๕๒๗] คนฺถสมฺปยุตฺตํ ธมฺมํ ปฏิจฺจ คนฺถสมฺปยุตฺโต ธมฺโม อุปฺปชฺชติ เหตุปจฺจยา: คนฺถสมฺปยุตฺตํ เอกํ ขนฺธํ ปฏิจฺจ ตโย ขนฺธา เทฺว ขนฺเธ ... ฯ คนฺถสมฺปยุตฺตํ ธมฺมํ ปฏิจฺจ คนฺถวิปฺปยุตฺโต ธมฺโม อุปฺปชฺชติ เหตุปจฺจยา: คนฺถสมฺปยุตฺเต ขนฺเธ ปฏิจฺจ จิตฺตสมุฏฺฐานํ รูปํ ทิฏฺฐิคตวิปฺปยุตฺตโลภสหคเต ขนฺเธ