[๘๑๑] นเหตุปจฺจยา อารมฺมเณ นว ฯ

ยถา กุสลตฺติเก ปญฺหาวารสฺส อนุโลมมฺปิ ปจฺจนียมฺปิ

อนุโลมปจฺจนียมฺปิ ปจฺจนียานุโลมมฺปิ คณิตํ เอวํ คเณตพฺพํ ฯ

เหตุทุกอตีตารมฺมณตฺติกํ นิฏฺฐิตํ ฯ

______________

เหตุทุกอชฺฌตฺตตฺติกํ

ปฏิจฺจวาโร

[๘๑๒] เหตุํ อชฺฌตฺตํ ธมฺมํ ปฏิจฺจ เหตุ อชฺฌตฺโต ธมฺโม อุปฺปชฺชติ เหตุปจฺจยา: ตีณิ ฯ นเหตุํ อชฺฌตฺตํ ธมฺมํ ปฏิจฺจ นเหตุ อชฺฌตฺโต ธมฺโม อุปฺปชฺชติ เหตุปจฺจยา: ตีณิ ฯ เหตุํ อชฺฌตฺตญฺจ นเหตุํ อชฺฌตฺตญฺจ ธมฺมํ ปฏิจฺจ เหตุ อชฺฌตฺโต ธมฺโม อุปฺปชฺชติ เหตุปจฺจยา: ตีณิ ฯ

[๘๑๓] เหตุยา นว อารมฺมเณ นว อธิปติยา นว กมฺเม นว วิปาเก นว อาหาเร นว อวิคเต นว ฯ

[๘๑๔] นเหตุํ อชฺฌตฺตํ ธมฺมํ ปฏิจฺจ นเหตุ อชฺฌตฺโต ธมฺโม อุปฺปชฺชติ นเหตุปจฺจยา: นเหตุํ อชฺฌตฺตํ ธมฺมํ ปฏิจฺจ เหตุ อชฺฌตฺโต ธมฺโม อุปฺปชฺชติ นเหตุปจฺจยา: ฯ

[๘๑๕] เหตุํ อชฺฌตฺตํ ธมฺมํ ปฏิจฺจ นเหตุ อชฺฌตฺโต ธมฺโม อุปฺปชฺชติ นอารมฺมณปจฺจยา: ฯ นเหตุํ อชฺฌตฺตํ ธมฺมํ ปฏิจฺจ นเหตุ อชฺฌตฺโต ธมฺโม อุปฺปชฺชติ นอารมฺมณปจฺจยา: ฯ เหตุํ