[๑๓๗๘] เหตุยา เทฺว อารมฺมเณ เทฺว อวิคเต เทฺว ฯ

สหชาตวาโรปิ ปญฺหาวาโรปิ วิตฺถาเรตพฺพา ฯ

______________

ปฏิจฺจวาโร

[๑๓๗๙] นีวรณวิปฺปยุตฺตํ นีวรณิยํ อพฺยากตํ ธมฺมํ ปฏิจฺจ นีวรณวิปฺปยุตฺโต นีวรณิโย อพฺยากโต ธมฺโม อุปฺปชฺชติ เหตุปจฺจยา: ฯ นีวรณวิปฺปยุตฺตํ อนีวรณิยํ อพฺยากตํ ธมฺมํ ปฏิจฺจ นีวรณวิปฺปยุตฺโต อนีวรณิโย อพฺยากโต ธมฺโม อุปฺปชฺชติ เหตุปจฺจยา: ตีณิ ฯ นีวรณวิปฺปยุตฺตํ นีวรณิยํ อพฺยากตญฺจ นีวรณวิปฺปยุตฺตํ อนีวรณิยํ อพฺยากตญฺจ ธมฺมํ ปฏิจฺจ นีวรณวิปฺปยุตฺโต นีวรณิโย อพฺยากโต ธมฺโม อุปฺปชฺชติ เหตุปจฺจยา: ฯ

[๑๓๘๐] เหตุยา ปญฺจ อารมฺมเณ เทฺว วิปาเก ปญฺจ ฯ

สหชาตวาเรปิ ปญฺหาวาเรปิ สพฺพตฺถ วิตฺถาเรตพฺพํ ฯ

นีวรณวิปฺปยุตฺตนีวรณิยทุกกุสลตฺติกํ นิฏฺฐิตํ ฯ

นีวรณโคจฺฉกทุกกุสลตฺติกํ นิฏฺฐิตํ ฯ

______________