พาหิรํ กุสลํ ธมฺมํ ปฏิจฺจ อชฺฌตฺติโก กุสโล จ พาหิโร กุสโล จ ธมฺมา อุปฺปชฺชนฺติ เหตุปจฺจยา: ฯ อชฺฌตฺติกํ กุสลญฺจ พาหิรํ กุสลญฺจ ธมฺมํ ปฏิจฺจ พาหิโร กุสโล ธมฺโม อุปฺปชฺชติ เหตุปจฺจยา: ฯ
[๑๕๒๐] เหตุยา ปญฺจ อารมฺมเณ ปญฺจ อวิคเต ปญฺจ ฯ
จิตฺตทุกสทิสํ ฯ
สหชาตวาโรปิ ปญฺหาวาโรปิ วิตฺถาเรตพฺพา ฯ
___________________
ปฏิจฺจวาโร
[๑๕๒๑] อชฺฌตฺติกํ อกุสลํ ธมฺมํ ปฏิจฺจ พาหิโร อกุสโล ธมฺโม อุปฺปชฺชติ เหตุปจฺจยา: ฯ พาหิรํ อกุสลํ ธมฺมํ ปฏิจฺจ พาหิโร อกุสโล ธมฺโม อุปฺปชฺชติ เหตุปจฺจยา: พาหิรํ อกุสลํ ธมฺมํ ปฏิจฺจ อชฺฌตฺติโก อกุสโล ธมฺโม อุปฺปชฺชติ เหตุปจฺจยา: พาหิรํ อกุสลํ ธมฺมํ ปฏิจฺจ อชฺฌตฺติโก อกุสโล จ พาหิโร อกุสโล จ ธมฺมา อุปฺปชฺชนฺติ เหตุปจฺจยา: ฯ อชฺฌตฺติกํ อกุสลญฺจ พาหิรํ อกุสลญฺจ ธมฺมํ ปฏิจฺจ พาหิโร อกุสโล ธมฺโม อุปฺปชฺชติ เหตุปจฺจยา: ฯ