ยถา กุสลตฺติเก ปญฺหาวารมฺปิ เอวํ วิตฺถาเรตพฺพํ ฯ
กุสลตฺติกอาสวทุกํ นิฏฺฐิตํ ฯ
______________
กุสลตฺติกสาสวทุกํ
[๖๓๙] กุสลํ สาสวํ ธมฺมํ ปฏิจฺจ กุสโล สาสโว ธมฺโม อุปฺปชฺชติ เหตุปจฺจยา: ตีณิ ฯ อกุสลํ สาสวํ ธมฺมํ ปฏิจฺจ อกุสโล สาสโว ธมฺโม อุปฺปชฺชติ เหตุปจฺจยา: ตีณิ ฯ อพฺยากตํ สาสวํ ธมฺมํ ปฏิจฺจ อพฺยากโต สาสโว ธมฺโม อุปฺปชฺชติ เหตุปจฺจยา: ฯ กุสลํ สาสวญฺจ อพฺยากตํ สาสวญฺจ ธมฺมํ ปฏิจฺจ อพฺยากโต สาสโว ธมฺโม อุปฺปชฺชติ เหตุปจฺจยา: ฯ อกุสลํ สาสวญฺจ อพฺยากตํ สาสวญฺจ ธมฺมํ ปฏิจฺจ อพฺยากโต สาสโว ธมฺโม อุปฺปชฺชติ เหตุปจฺจยา: ฯ
[๖๔๐] เหตุยา นว อารมฺมเณ ตีณิ อวิคเต นว ฯ
[๖๔๑] นเหตุยา เทฺว นอารมฺมเณ ปญฺจ นอธิปติยา นว ฯ
สหชาตวาโรปิ สมฺปยุตฺตวาโรปิ ปฏิจฺจวารสทิสา ฯ
[๖๔๒] กุสโล สาสโว ธมฺโม กุสลสฺส สาสวสฺส ธมฺมสฺส เหตุปจฺจเยน ปจฺจโย: ตีณิ ฯ อกุสโล สาสโว ธมฺโม อกุสลสฺส สาสวสฺส ธมฺมสฺส เหตุปจฺจเยน ปจฺจโย: ตีณิ ฯ อพฺยากโต สาสโว ธมฺโม อพฺยากตสฺส สาสวสฺส ธมฺมสฺส เหตุปจฺจเยน ปจฺจโย: ฯ