อพฺยากตสฺส อนาสวสฺส ธมฺมสฺส อนนฺตรปจฺจเยน ปจฺจโย: ฯ
[๖๕๐] เหตุยา เทฺว อารมฺมเณ เทฺว อธิปติยา ตีณิ อนนฺตเร เทฺว สมนนฺตเร เทฺว สหชาเต เทฺว อญฺญมญฺเญ เทฺว นิสฺสเย เทฺว อุปนิสฺสเย จตฺตาริ อวิคเต เทฺว ฯ
ยถา กุสลตฺติเก ปญฺหาวารมฺปิ เอวํ วิตฺถาเรตพฺพํ ฯ
กุสลตฺติกสาสวทุกํ นิฏฺฐิตํ ฯ
__________
กุสลตฺติกอาสวสมฺปยุตฺตทุกํ
[๖๕๑] อกุสลํ อาสวสมฺปยุตฺตํ ธมฺมํ ปฏิจฺจ อกุสโล อาสวสมฺปยุตฺโต ธมฺโม อุปฺปชฺชติ เหตุปจฺจยา: ฯ
[๖๕๒] เหตุยา เอกํ อารมฺมเณ เอกํ อวิคเต เอกํ ฯ
สหชาตวาเรปิ สมฺปยุตฺตวาเรปิ ปญฺหาวาเรปิ สพฺพตฺถ เอกํ ฯ
[๖๕๓] กุสลํ อาสววิปฺปยุตฺตํ ธมฺมํ ปฏิจฺจ กุสโล อาสววิปฺปยุตฺโต ธมฺโม อุปฺปชฺชติ เหตุปจฺจยา: กุสลํ อาสววิปฺปยุตฺตํ ธมฺมํ ปฏิจฺจ อพฺยากโต อาสววิปฺปยุตฺโต ธมฺโม อุปฺปชฺชติ เหตุปจฺจยา: กุสลํ อาสววิปฺปยุตฺตํ ธมฺมํ ปฏิจฺจ กุสโล อาสววิปฺปยุตฺโต จ อพฺยากโต อาสววิปฺปยุตฺโต จ ธมฺมา อุปฺปชฺชนฺติ เหตุปจฺจยา: ฯ อกุสลํ อาสววิปฺปยุตฺตํ ธมฺมํ ปฏิจฺจ อพฺยากโต อาสววิปฺปยุตฺโต ธมฺโม อุปฺปชฺชติ เหตุปจฺจยา: ฯ อพฺยากตํ อาสววิปฺปยุตฺตํ ธมฺมํ ปฏิจฺจ อพฺยากโต อาสววิปฺปยุตฺโต ธมฺโม