ตีณิ ฯ อพฺยากตํ อนุปาทินฺนํ ธมฺมํ ปฏิจฺจ อพฺยากโต อนุปาทินฺโน ธมฺโม อุปฺปชฺชติ เหตุปจฺจยา: ฯ

[๗๒๓] เหตุยา นว อารมฺมเณ ตีณิ อวิคเต นว ฯ

สหชาตวาโรปิ สมฺปยุตฺตวาโรปิ ปฏิจฺจวารสทิสา ฯ

[๗๒๔] กุสโล อนุปาทินฺโน ธมฺโม กุสลสฺส อนุปาทินฺนสฺส ธมฺมสฺส เหตุปจฺจเยน ปจฺจโย: ตีณิ ฯ อกุสโล อนุปาทินฺโน ธมฺโม อกุสลสฺส อนุปาทินฺนสฺส ธมฺมสฺส เหตุปจฺจเยน ปจฺจโย: ตีณิ ฯ อพฺยากโต อนุปาทินฺโน ธมฺโม อพฺยากตสฺส อนุปาทินฺนสฺส ธมฺมสฺส เหตุปจฺจเยน ปจฺจโย: ฯ

[๗๒๕] กุสโล อนุปาทินฺโน ธมฺโม กุสลสฺส อนุปาทินฺนสฺส ธมฺมสฺส อารมฺมณปจฺจเยน ปจฺจโย: ตีณิ ฯ อกุสโล อนุปาทินฺโน ธมฺโม อกุสลสฺส อนุปาทินฺนสฺส ธมฺมสฺส อารมฺมณปจฺจเยน ปจฺจโย: ตีณิ ฯ อพฺยากโต อนุปาทินฺโน ธมฺโม อพฺยากตสฺส อนุปาทินฺนสฺส ธมฺมสฺส อารมฺมณปจฺจเยน ปจฺจโย: อพฺยากโต อนุปาทินฺโน ธมฺโม กุสลสฺส อนุปาทินฺนสฺส ธมฺมสฺส อารมฺมณปจฺจเยน ปจฺจโย: ตีณิ ฯ

[๗๒๖] เหตุยา สตฺต อารมฺมเณ นว อธิปติยา ทส อนนฺตเร ฉ สหชาเต นว นิสฺสเย นว อุปนิสฺสเย นว อวิคเต เอกาทส ฯ

กุสลตฺติกอุปาทินฺนทุกํ นิฏฺฐิตํ ฯ

_________