[๒๒] เหตุยา เทฺว อารมฺมเณ จตฺตาริ อธิปติยา ตีณิ อนนฺตเร เทฺว สหชาเต เทฺว อุปนิสฺสเย จตฺตาริ อวิคเต เทฺว ฯ

ยถา กุสลตฺติเก ปญฺหาวารํ เอวํ วิตฺถาเรตพฺพํ ฯ

[๒๓] อพฺยากตํ เนววิปากนวิปากธมฺมธมฺมํ ปฏิจฺจ อพฺยากโต เนววิปากนวิปากธมฺมธมฺโม อุปฺปชฺชติ เหตุปจฺจยา: ฯ

[๒๔] เหตุยา เอกํ อารมฺมเณ เอกํ อวิคเต เอกํ ฯ

สหชาตวาเรปิ ปญฺหาวาเรปิ สพฺพตฺถ เอกํ ฯ

กุสลตฺติกวิปากตฺติกํ นิฏฺฐิตํ ฯ

________________________

กุสลตฺติกอุปาทินฺนตฺติกํ

[๒๕] อพฺยากตํ อุปาทินฺนุปาทานิยํ ธมฺมํ ปฏิจฺจ อพฺยากโต อุปาทินฺนุปาทานิโย ธมฺโม อุปฺปชฺชติ เหตุปจฺจยา: ฯ

[๒๖] เหตุยา เอกํ อวิคเต เอกํ ฯ

สหชาตวาเรปิ ปญฺหาวาเรปิ สพฺพตฺถ เอกํ ฯ

[๒๗] กุสลํ อนุปาทินฺนุปาทานิยํ ธมฺมํ ปฏิจฺจ กุสโล อนุปาทินฺนุปาทานิโย ธมฺโม อุปฺปชฺชติ เหตุปจฺจยา: ตีณิ ฯ อกุสลํ อนุปาทินฺนุปาทานิยํ ธมฺมํ ปฏิจฺจ อกุสโล อนุปาทินฺนุปาทานิโย ธมฺโม อุปฺปชฺชติ เหตุปจฺจยา: ตีณิ ฯ อพฺยากตํ อนุปาทินฺนุปาทานิยํ ธมฺมํ ปฏิจฺจ อพฺยากโต อนุปาทินฺนุปาทานิโย ธมฺโม อุปฺปชฺชติ เหตุปจฺจยา: ฯ